பிரிட்டன் நாட்டின் பிரபல மோட்டார் சைக்கிள் தயாரிப்பு நிறுவனமான BSA, கடந்த 2021ஆம் சர்வதேச சந்தையில் தன்னை புதுப்பித்து கொண்டு, அடுத்தக்கட்ட பாய்ச்சலை நிகழ்த்தி வருகிறது. கடந்த ஆகஸ்ட் 15ஆம் தேதி, Goldstar 650 பைக்கை அறிமுகப்படுத்தியதன் மூலம் இப்போது இந்திய இரு சக்கர வாகன சந்தையில் நுழைந்துள்ளது அந்நிறுவனம்.
3 முதல் 3.35 லட்சம் ரூபாய் என்ற விலையில் தயாரிப்பு நிறுவனத்திடமிருந்து டீலர்கள் இந்த பைக்கை வாங்க விலை நிர்ணயிக்கப்பட்டுள்ளது. மஹிந்திரா குழுமத்திற்கு சொந்தமான, கிளாசிக் லெஜெண்ட்ஸ் பிரைவேட் லிமிடெட் நிறுவனம், பிஎஸ்ஏ மோட்டார்சைக்கிள்களை இந்தியாவில் தயாரித்து வருகிறது.
கடந்த 2021 ஆம் ஆண்டு முதல் பிரிட்டன் மற்றும் ஐரோப்பிய சந்தைகளில் BSA Gold Star 650 மோட்டார்சைக்கிள் விற்பனையில் உள்ளது. ரெட்ரோ மோட்டார் சைக்கிளிங் அனுபவத்தை விரும்புவோருக்காக இப்போது அதை இந்திய சந்தைக்கு கொண்டு வரப்பட்டுள்ளது.
நீங்கள் BSA Gold Star 650 பைக்கை வாங்க திட்டமிட்டிருந்தால், நீங்கள் தெரிந்து கொள்ள வேண்டிய ஐந்து முக்கிய தகவல்களை இந்த கட்டுரையில் தெரிந்து கொள்வோம்.
அதிரடி விலையில்:
புதிதாக அறிமுகம் செய்யப்பட்டுள்ள BSA Gold Star 650 பைக்கின் ஆரம்ப விலை ரூ 2.99 லட்சம் ஆகும். இது, Insignia red மற்றும் highland green ஆகிய இரண்டு கலர்களில் கிடைக்கிறது. அதோடு, The midnight black மற்றும் dawn silver ஆகிய கலர்களில் கிடைக்கும் பைக்கின் விலை ரூ. 3,11,990 (தயாரிப்பு நிறுவனத்திடமிருந்து டீலர்கள் வாங்கும் விலை). Shadow Black கலரில் கிடைக்கும் BSA Gold Star 650 பைக்கின் விலை ரூ. 3,15,990 (தயாரிப்பு நிறுவனத்திடமிருந்து டீலர்கள் வாங்கும் விலை).
பழைய கால மோட்டார் சைக்கிளின் வடிவமைப்பு:
பழைய காலத்தில் இருக்கும் மோட்டார் சைக்கிள்களை போலவே BSA Gold Star 650 பைக் வடிவமைக்கப்பட்டுள்ளது. வட்ட வடிவிலான ஹெட்லாம்ப், பெரிய பியூவல் டேங்க், வட்ட வடிவிலான கண்ணாடிகள், நீளமான டயர்கள் என முற்றிலும் ரெட்ரோ தீமில் வடிவமைக்கப்பட்டுள்ளது BSA Gold Star 650 பைக்.
நவீன அம்சங்கள்:
பழைய கால மோட்டார் சைக்கிள் போல் வடிவமைக்கப்பட்டாலும் ரெட்ரோ தீமை மேலும் மெருகூட்டும் வகையில் இதில் நவீன அம்சங்களும் இடம்பெற்றுள்ளன. Twin pod semi digital instrument உடன் USB charging port போன்றவையும் BSA Gold Star 650 பைக்கில் இடம்பெற்றுள்ளன.
Car loan Information:
Calculate Car Loan EMI