70 கிலோமீட்டர் மைலேஜ் தரும் அசத்தலான 6 பைக்குகள்! பெட்ரோல் விக்குற விலையில இதான் பெஸ்ட்!
பெட்ரோல் விலை உயர்ந்து வரும் சூழலில் 70 கிலோமீட்டர் வரை மைலேஜ் அளிக்கும் சிறந்த பைக்குள் என்னென்ன? என்பதை விரிவாக காணலாம்.
இந்தியாவில் இரு சக்கர வாகனங்கள் என்பது தவிர்க்க முடியாத ஒன்றாகும். ஆடம்பர மற்றும் கம்பீரமான தோரணை கொண்ட இரு சக்கர வாகனங்கள் இருந்தாலும் பெரும்பாலான வாகன ஓட்டிகள் நல்ல மைலேஜ் தரும் பைக்கையே விரும்புகின்றனர்.
தற்போது பெட்ரோல் விலை அடிக்கடி ஏறி வரும் சூழலில், 70 கிலோமீட்டர் வரை மைலேஜ் தரும் இரு சக்கர வாகனங்களின் பட்டியலை கீழே காணலாம்.
1. Bajaj Platina 100:
பஜாஜ் நிறுவனத்தின் மிகவும் புகழ்பெற்ற பைக் Bajaj Platina 100 ஆகும். 100 சிசி திறன் கொண்ட எஞ்ஜின் பொருத்தப்பட்ட இந்த பைக் லிட்டருக்கு 75 கிலோமீட்டர் வரை மைலேஜ் தரும் ஆற்றல் கொண்டது. இதன் விலை ரூபாய் 90 ஆயிரத்து 263 ஆகும். 11 லிட்டர் வரை பெட்ரோல் டேங்கர் உள்ளது.
2. TVS Sport:
டிவிஎஸ் நிறுவனத்தின் மிகவும் வெற்றிகரமான இரு சக்கர வாகனம் TVS Sport. இதன் விலை ரூபாய் 79 ஆயிரத்து 860 ஆகும். இரண்டு வேரியண்ட் கொண்ட இந்த பைக் 70 கிலோமீட்டர் முதல் 80 வரை மைலேஜ் தரும் ஆற்றல் கொண்டது. இதில் 109.7 சிசி திறன் கொண்ட எஞ்ஜின் பொருத்தப்பட்டுள்ளது. 10 லிட்டர் பெட்ரோல் டேங்கர் பொருத்தப்பட்டுள்ளது.
3. TVS Star City Plus:
டிவிஎஸ் நிறுவனத்தின் மற்றொரு புகழ்பெற்ற இரு சக்கர வாகனம் TVS Star City Plus. இதன் விலை ரூபாய் 88 ஆயிரத்து 625. 2 வேரியண்ட் கொண்ட இந்த பைக் 70 கிலோமீட்டர் வரை மைலேஜ் அளிக்கிறது. இதில் 10 லிட்டர் பெட்ரோல் டேங்கர் உள்ளது.
4. Bajaj Platina 110:
பஜாஜ் நிறுவனத்தின் மற்றொரு புகழ்பெற்ற இரு சக்கர வாகனம்
Bajaj Platina பைக்கின் அப்டேட் வெர்சன் இந்த Bajaj Platina 110 ஆகும். இதில் 110 சிசி திறன் கொண்ட எஞ்ஜின் பொருத்தப்பட்டுள்ளது. இது 70 கிலோமீட்டர் வரை மைலேஜ் அளிக்கிறது. 11 லிட்டர் பெட்ரோல் டேங்கர் திறன் கொண்டது.
5. Honda Livo:
ஹோண்டா நிறுவனத்தின் Honda Livo நல்ல மைலேஜ் தரும் பைக் ஆகும். இந்த பைக்கின் விலை ரூபாய் 1 லட்சத்து 6 ஆயிரம் ஆகும். இது ஒரு லிட்டர் பெட்ரோலுக்கு 70 கிலோமீட்டர் வரை மைலேஜ் அளிக்கிறது. இந்த பைக் 3 வேரியண்ட்களில் உள்ளது. வசீகரமான தோற்றத்துடன் கவர்ச்சிகரமாகவும் உள்ள இந்த பைக் நெடுஞ்சாலைகளிலும், நெருக்கடியான போக்குவரத்திலும் ஓட்ட அசத்தலாக இருக்கும். 9 லிட்டர் பெட்ரோல் டேங்கர் கொண்டது.
6. Bajaj CT 110:
பஜாஜ் நிறுவனத்தின் மற்றொரு வெற்றிகரமான பைக் Bajaj CT 110. இந்த பைக் லிட்டருக்கு 70 கிலோமீட்டர் வரை மைலேஜ் அளிக்கிறது. 11 லிட்டர் வரை பெட்ரோல் டேங்கர் கொண்டது. 115. 45 சிசி திறன் கொண்ட எஞ்ஜின் பொருத்தப்பட்டுள்ளது.
மேலே கூறிய பைக்குகள் பராமரிப்பிற்கும் மிகவும் எளியது ஆகும். முறையாக சர்வீஸ் மற்றும் வண்டியை பராமரிப்பு செய்து வந்தால் இந்த மைலேஜை தொடர்ந்து அளிக்கும்.
தலைப்பு செய்திகள்
ட்ரெண்டிங் செய்திகள்
