Rasi Palan Today Oct 19: மிதுனத்துக்கு ஆரோக்கியம் மேம்படும்; கடகத்துக்கு நம்பிக்கை அதிகரிக்கும்: உங்கள் ராசிக்கு என்ன பலன்?

Rasi Palan Today, October 19: அக்டோபர் மாதம் 19ஆம் நாள் சனிக் கிழமையான இன்று எந்தெந்த ராசியினருக்கு என்னென்ன பலன்கள் மற்றும் நல்ல நேரம் குறித்து விரிவாக காணலாம்.

இன்றைய ராசி பலன்கள்: Rasi Palan Today October 19, 2024: 

 அன்பார்ந்த வாசகர்களே இன்றைய நாளில் உங்கள் ராசிக்கு எப்படி இருக்க போகிறது என்று பார்க்கலாம்....

மேஷ ராசி

 

கோபத்தை கட்டுப்படுத்தி முன்னேறுவதற்கான சிந்தனைகள் மேம்படும். பணிபுரியும் இடத்தில் பொறுப்புகள் அதிகரிக்கும். மற்றவர்களின் கருத்துகளுக்கு மதிப்பளித்துச் செயல்படவும். விற்பனை துறையில் புதிய அனுபவம் கிடைக்கும். குடும்பத்தில் விட்டுக்கொடுத்துச் செல்வது நல்லது. செயல்பாடுகளில் அலைச்சல்கள் ஏற்பட்டாலும் அனுகூலமான பலன்கள் கிடைக்கும். இன்சொல் நிறைந்த நாள்.

 

ரிஷப ராசி

 

வியாபாரப் பணிகளில் சிறு சிறு பிரச்சனைகள் ஏற்பட்டு நீங்கும். தள்ளிப்போன சில வாய்ப்புகள் பற்றிய சிந்தனைகள் மேம்படும். பலதரப்பட்ட மக்களின் அறிமுகம் ஏற்படும். விலை உயர்ந்த பொருட்கள் மீதான ஆர்வம் அதிகரிக்கும். போட்டித் தேர்வுகளில் விவேகத்துடன் செயல்படவும். உணவு சார்ந்த விஷயங்களில் கவனம் வேண்டும். பரிவு வேண்டிய நாள். 

 

மிதுன ராசி

 

இழுபறியான பணிகளை செய்து முடிப்பீர்கள். நெருக்கமானவர்களிடம் ஒற்றுமை ஏற்படும். சிந்தனைப் போக்கில் மாற்றங்கள் உண்டாகும். உடல் ஆரோக்கியம் தொடர்பான பிரச்சனைகள் குறையும். தாய்மாமன் வழியில் ஒத்துழைப்பு ஏற்படும். கடன் தொடர்பான பிரச்சனைகள் கட்டுப்பாட்டுக்குள் வரும். இணையம் சார்ந்த தொழில்களில் முன்னேற்றம் உண்டாகும். முயற்சி மேம்படும் நாள்.

 

 கடக ராசி

 

கால்நடை துறைகளில் இருப்பவர்களுக்கு முன்னேற்றம் ஏற்படும். பேச்சுக்களில் சில மாற்றங்கள் உண்டாகும். வியாபார இடமாற்றத்திற்கான வாய்ப்புகள் ஏற்படும். மனதில் புதிய இலக்குகள் பிறக்கும். அரசு பணிகளில் முன்னேற்றம் ஏற்படும். எதிர்பாராத சில வரவுகள் மூலம் சேமிப்புகள் மேம்படும். உங்கள் மீதான நம்பிக்கை அதிகரிக்கும். தெளிவு பிறக்கும் நாள்.

 

 சிம்ம ராசி

 

மாணவர்களுக்கு ஆராய்ச்சி சார்ந்த சிந்தனைகள் மேம்படும். உடன்பிறந்தவர்கள் உதவியாக இருப்பார்கள். இடமாற்றம் தொடர்பான முயற்சிகள் கைகூடும். சக ஊழியர்களின் மறைமுக ஆதரவு ஏற்படும். குருமார்களின் ஆசீர்வாதங்கள் மனதில் தெளிவை ஏற்படுத்தும். உங்கள் மீதான வதந்திகளுக்கு தீர்வு கிடைக்கும். அனுகூலம் நிறைந்த நாள்.

 

 கன்னி ராசி

 

புதிய முயற்சிகளில் இருந்துவந்த மறைமுக எதிர்ப்புகளை புரிந்து கொள்வீர்கள். மற்றவர்களின் தனிப்பட்ட விஷயங்களில் தலையிடுவதை தவிர்க்கவும். எதிர்பாராத சில பயணங்களால் அலைச்சல்கள் ஏற்படும். இனம்புரியாத சில சிந்தனைகள் மூலம் குழப்பம் உண்டாகும். உத்தியோகப் பணிகளில் கவனம் வேண்டும். பொறுமை வேண்டிய நாள்.

 

 துலாம் ராசி

 

கடினமான பணிகளையும் எளிமையாக செய்து முடிப்பீர்கள். புதிய வாடிக்கையாளர்களின் அறிமுகம் கிடைக்கும். விருப்பமான பொருட்களை வாங்கி மகிழ்வீர்கள். சஞ்சலமான சிந்தனைகள் மூலம் குழப்பம் ஏற்படும். மற்றவர்களை நம்பி வாக்குறுதிகளை தர வேண்டாம். சகோதரர் வழியில் ஒத்துழைப்பு கிடைக்கும். உதவி கிடைக்கும் நாள்.

 

விருச்சிக ராசி

 

உத்தியோக முயற்சிகளில் அனுகூலமான பலன்கள் கிடைக்கும். நீண்ட நாள் பிரச்சனைகளுக்கு முடிவுகளை எடுப்பீர்கள். ஆடம்பர பொருட்கள் வாங்குவதில் ஆர்வம் அதிகரிக்கும். வியாபாரப் போட்டிகளில் விவேகத்துடன் செயல்படவும். நிதானமான செயல்பாடுகள் நன்மதிப்பை உண்டாக்கும். கடன் சார்ந்த பிரச்சனைகள் குறையும். மகிழ்ச்சி நிறைந்த நாள்.

 

தனுசு ராசி

 

சபை தொடர்பான பணிகளில் ஒத்துழைப்பு கிடைக்கும். ஆன்மிகப் பணிகளில் ஆர்வம் ஏற்படும். பூர்வீக சொத்துக்களை விற்பதில் லாபம் கிடைக்கும். மனதில் இருந்துவந்த குழப்பங்களுக்கு தெளிவும், புரிதலும் ஏற்படும். சிந்தனைப் போக்கில் தெளிவு பிறக்கும். நுட்பமான சில விஷயங்களை புரிந்து கொள்வீர்கள். சகோதரர் வகையில் இருந்துவந்த கருத்து வேறுபாடுகள் விலகும். கோபம் நிறைந்த நாள்.

 

மகர ராசி

 

பாகப் பிரிவினை விஷயங்களில் நிதானம் வேண்டும். மற்றவர்கள் கூறும் கருத்துகளுக்கு மதிப்பளித்து செயல்படுவதன் மூலம் நன்மைகள் உண்டாகும். அரசு பணிகளில் இருப்பவர்களுக்கு ஆதாயம் உண்டாகும். எந்த ஒரு செயலிலும் ஈடுபாடு இல்லாமல் இருப்பீர்கள். உறவினர்களின் ஒத்துழைப்பு அதிகரிக்கும். பெருமை வேண்டிய நாள்.

 

கும்ப ராசி

 

மனதில் தன்னம்பிக்கையுடன் செயல்படுவீர்கள். சகோதரர் வகையில் உதவிகள் கிடைக்கும். விடாமுயற்சியுடன் செயல்பட்டு எண்ணியதை நிறைவேற்றிக் கொள்வீர்கள். வாகன பயணங்களின் மூலம் அனுபவமும், ஆதாயமும் ஏற்படும். உயர் அதிகாரிகளின் ஒத்துழைப்பு கிடைக்கும். உடல் ஆரோக்கியம் மேம்படும். வேலையாட்களின் ஒத்துழைப்பு மேம்படும். சுகம் நிறைந்த நாள்.

 

மீன ராசி

 

குடும்ப உறுப்பினர்களுடன் வெளியூர் பயணங்கள் சென்று வருவீர்கள். உடனிருப்பவர்கள் பற்றிய புரிதல் அதிகரிக்கும். வேலையாட்களை அரவணைத்துச் செல்லவும். கனிவான பேச்சுக்கள் உங்கள் மீதான நன்மதிப்பை மேம்படுத்தும். விலை உயர்ந்த பொருட்களின் சேர்க்கை ஏற்படும். கடன்களை அடைப்பது தொடர்பான முயற்சிகள் கைகூடும். வெற்றி நிறைந்த நாள்.