Viruchigam Rasi Sani Peyarchi Palan: சனிப்பெயர்ச்சி விருச்சிக ராசியின் காதல் வாழ்க்கையை பாதிக்குமா? இதோ பரிகாரங்கள்

"சிவனின் இளைய மகன் பெயர்கொண்டவரே மீண்டும் முதல்வர்" - ஓலைச்சுவடி ஆருடத்தால் பரபரப்பு!

எஸ்.ஜெகநாதன், மயிலாடுதுறை — Fri, 1 May 2026 14:40:26 +0530

வைத்தீஸ்வரன் கோயில்: தமிழகத்தின் ஆன்மீக பூமியான மயிலாடுதுறை மாவட்டம், வைத்தீஸ்வரன் கோயிலில் அமைந்துள்ள வைத்தியநாத சுவாமி ஆலயம் உலகப்புகழ் பெற்றது. நவகிரகங்களில் செவ்வாய் பகவானுக்குரிய பரிகாரத் தலமாக விளங்கும் இவ்வூரில், சித்தர்களால் அருளப்பட்ட 'நாடி ஜோதிடம்' பார்ப்பது ஒரு பிரதான தொழிலாகவும், பக்தர்களின் நம்பிக்கையாகவும் இருந்து வருகிறது.

இந்தியாவின் பல்வேறு மாநிலங்களில் இருந்தும், வெளிநாடுகளில் இருந்தும் நாள்தோறும் ஏராளமானோர் தங்கள் எதிர்காலத்தை அறிய இங்கு குவிந்து வருகின்றனர். மகா சிவ நாடி, அகத்தியர் நாடி, கௌசிக நாடி, பிருகு நாடி எனப் பல்வேறு சித்தர்களின் பெயர்களில் ஓலைச்சுவடிகள் மூலம் இங்கு பலன்கள் கணிக்கப்படுகின்றன.

நாடி ஜோதிடம் சொல்வது என்ன?

தமிழகத்தில் அண்மையில் நடைபெற்று முடிந்த சட்டமன்றத் தேர்தல் முடிவுகள் குறித்து பெரும் எதிர்பார்ப்பு நிலவி வருகிறது. பல்வேறு ஊடகங்கள் மற்றும் தனியார் நிறுவனங்கள் தங்களின் தேர்தலுக்குப் பிந்தைய கருத்துக்கணிப்புகளை (Exit Polls) வெளியிட்டு வருகின்றன. இந்த நிலையில், வைத்தீஸ்வரன் கோயில் மகா சிவ நாடி ஜோதிடத்தில் தேர்தல் முடிவுகள் குறித்துக் கணிக்கப்பட்ட ஆருடம் தற்போது தமிழக அரசியலில் பெரும் விவாதத்தை ஏற்படுத்தியுள்ளது.

நடந்து முடிந்த தேர்தலில் எந்தக் கட்சி வெற்றி பெறும்? அடுத்த முதலமைச்சர் யார்? என்பது குறித்து மகா சிவ நாடி ஜோதிடத்தில் 'ஆருட காண்டம்' பார்க்கப்பட்டது. அப்போது, சிவபெருமான் பாடல் வடிவில் அருளியதாகக் கூறப்படும் ஓலைச்சுவடியில் ஒரு முக்கிய தகவல் இடம்பெற்றுள்ளது.

நாடிச் சுவடியின் பாடல் வரிகள்

"சிவனின் இளைய மகன் பெயர் கொண்ட நபர், நல்லவர்கள் துணையுடன் மீண்டும் முதலமைச்சராகப் பதவியேற்பார்" என்று அந்த ஓலைச்சுவடியில் குறிப்பிடப்பட்டுள்ளதாக நாடி ஜோதிடர்கள் தெரிவிக்கின்றனர். முந்தைய கணிப்புகளும் தற்போதைய முடிவும் இதுகுறித்து மகா சிவ நாடி ஜோதிடர் சிவசாமி செய்தியாளர்களிடம் விரிவாக விளக்கமளித்தார். அவர் கூறியதாவது:

"நாடி ஜோதிடம் என்பது சித்தர்களால் ஓலைச்சுவடிகளில் எழுதப்பட்ட தீர்க்கதரிசனம். இது பல நேரங்களில் வியக்கத்தக்க வகையில் உண்மையாகியுள்ளது. கடந்த 2021-ம் ஆண்டு சட்டமன்றத் தேர்தலின் போது, மு.க. ஸ்டாலின் முதலமைச்சராகப் பொறுப்பேற்பார் என்று நாடியில் வந்தது; அது அப்படியே நிகழ்ந்தது. அதேபோல், 2024-ம் ஆண்டு நாடாளுமன்றத் தேர்தலில் நரேந்திர மோடி மூன்றாவது முறையாகப் பிரதமராகப் பதவியேற்பார் எனப் பார்க்கப்பட்டது; அதுவும் பலித்தது.

தற்போது வெளியாகியுள்ள சுவடியில், 'சிவனின் இளைய மகன்' என்ற குறிப்பு உள்ளது. சிவனின் இளைய மகன் என்பது முருகப் பெருமானைக் குறிக்கும். தமிழக அரசியலில் 'முருகன்' என்ற பெயரைக் கொண்ட முக்கியத் தலைவர்கள் மற்றும் அந்தப் பெயரின் பின்னணியைக் கொண்ட கூட்டணிகளை இது குறிக்கிறது. இதன் மூலம், தேசிய ஜனநாயகக் கூட்டணியின் (NDA) ஆதரவுடன் எடப்பாடி பழனிசாமி மீண்டும் முதலமைச்சராகப் பொறுப்பேற்பார் என்பது இதன் பொருளாகும்," என்று அவர் தெரிவித்தார்.

அரசியல் வட்டாரத்தில் கிளம்பும் விவாதங்கள்

பொதுவாகவே தேர்தல் காலங்களில் ஜோதிடக் கணிப்புகளும், எண்கணித முடிவுகளும் வாக்காளர்கள் மற்றும் தொண்டர்கள் மத்தியில் ஆர்வத்தைத் தூண்டுவது வழக்கம். ஆனால், வைத்தீஸ்வரன் கோயில் நாடி ஜோதிடம் என்பது நீண்ட கால வரலாற்றைக் கொண்டது என்பதால், தற்போது வெளியாகியுள்ள இந்த ஆருடம் சமூக வலைதளங்களில் வைரலாகி வருகிறது.

முடிவை எதிர்நோக்கி தமிழகம்

தேர்தலுக்குப் பிந்தைய கணிப்புகள் ஒரு பக்கம் சாதக பாதகமாகத் தென்பட்டாலும், ஆன்மீக ரீதியிலான இந்த நாடி ஜோதிடக் கணிப்பு அதிமுக மற்றும் அதன் கூட்டணிக் கட்சியினரிடையே புதிய உற்சாகத்தை ஏற்படுத்தியுள்ளது. அதே சமயம், பகுத்தறிவு மற்றும் அரசியல் யதார்த்தத்தை நம்புவோர், "மக்களின் தீர்ப்பே இறுதியானது, மே 4-ம் தேதி வரை பொறுத்திருந்துதான் பார்க்க வேண்டும்" என்று கருத்து தெரிவித்து வருகின்றனர்.

வைதீஸ்வரன் கோயில் நாடி ஜோதிடத்தின் இந்த 'ஆருட காண்டம்' உண்மையிலேயே பலிக்குமா அல்லது அரசியல் மாற்றங்கள் வேறு விதமாக அமையுமா என்பது இன்னும் சில தினங்களில் தெரிந்துவிடும். அதுவரை, இந்த ஓலைச்சுவடிப் பாடல் தமிழகத்தின் பட்டிதொட்டியெங்கும் பேசுபொருளாகவே இருக்கும் என்பதில் ஐயமில்லை.

இந்த தேதிகளில் பிறந்த பெண்களா நீங்கள்? - உங்க பலம்? பலவீனம் என்ன? எப்படிப்பட்டவர்கள் தெரியுமா?

ராஜேஷ். எஸ் — Fri, 24 Apr 2026 19:46:18 +0530

Numerology: ஒருவரின் சுதந்திரம், அவரது பிறந்த தேதி அல்லது கிரக நிலைகளால் மட்டுமே தீர்மானிக்கப்படுவதில்லை. ஜோதிடமும் எண் கணிதமும் சில குறிப்பிட்ட போக்குகளை வெளிப்படுத்துகின்றன. அவற்றைப் பயன்படுத்தி ஒருவரின் ஆளுமையை மதிப்பிட முடியும். இதன் அடிப்படையில், குறிப்பிட்ட தேதிகளில் பிறந்த பெண்கள் இயல்பாகவே அதிக தன்னம்பிக்கையுடனும், தெளிவாகச் சிந்திக்கும் திறனுடனும், வலுவான ஆளுமையுடனும் இருப்பார்கள் என்று நம்பப்படுகிறது.

எண் 1

1, 10, 19, மற்றும் 28 ஆகிய தேதிகளில் பிறந்த பெண்களைப் பற்றி பேசுகையில், எண் கணிதத்தில் இந்தத் தேதிகள் சூரியனுடன் தொடர்புடையவை. சூரியன் தலைமைத்துவம், தன்னம்பிக்கை மற்றும் சுயமரியாதையின் சின்னமாகும். இந்தப் பெண்கள் பெரும்பாலும் தங்களுக்கென ஒரு தனித்துவமான அடையாளத்தை உருவாக்க விரும்புகிறார்கள். அவர்கள் எதற்கும் வற்புறுத்தப்படுவதை விரும்புவதில்லை, மேலும் அவர்கள் தங்கள் வாழ்க்கையைத் தாங்கள் விரும்பியபடி வாழ்கிறார்கள். ஆனால், அவர்களைக் கட்டுப்படுத்த முடியாது என்று இதற்கு அர்த்தமல்ல; மாறாக, அவர்கள் மரியாதையையும் சமத்துவத்தையும் விரும்புகிறார்கள்.

எண் 2

5, 14, மற்றும் 23 ஆம் தேதிகளில் பிறந்த பெண்களைப் பற்றிப் பேசுவோம். அவர்கள் புதன் கிரகத்தால் அதிகம் பாதிக்கப்படுபவர்களாகக் கருதப்படுகிறார்கள். புதன் கிரகம் அறிவு, உரையாடல் மற்றும் தந்திரத்துடன் தொடர்புடையது. இந்த எண்களின் கீழ் பிறந்த பெண்கள் கூர்மையான மனதைக் கொண்டிருப்பார்கள் மற்றும் தகவல் தொடர்பில் மிகவும் நிபுணர்களாக இருப்பார்கள். அவர்களை எளிதில் ஏமாற்ற முடியாது. அவர்கள் ஒவ்வொரு சூழ்நிலையையும் ஆராய்ந்து சரியான முடிவுகளை எடுப்பார்கள். ஆனால் அவர்கள் எப்போதும் சரியாகவே இருப்பார்கள் என்று நீங்கள் நினைத்தால், அது முற்றிலும் ஒரு தவறான கருத்து. ஒவ்வொரு மனிதனைப் போலவே, அவர்களுக்கும் வரம்புகள் உண்டு.

எண் 3

7, 16, மற்றும் 25 ஆம் தேதிகளில் பிறந்த பெண்கள், ஆன்மீகம் மற்றும் பற்றின்மையின் கிரகமான கேதுவின் வலுவான செல்வாக்கிற்கு உட்பட்டவர்கள் என்று நம்பப்படுகிறது. இந்தப் பெண்கள் பொதுவாக ஆழ்ந்து சிந்திப்பவர்களாகவும், அமைதியானவர்களாகவும், தன்னம்பிக்கை உடையவர்களாகவும் இருப்பார்கள். அவர்கள் கூட்டத்தைப் பின்பற்றுவதை விட, தமக்கென ஒரு தனிப் பாதையை உருவாக்கவே விரும்புவார்கள். அவர்களின் மிகப்பெரிய பலம், அவர்களின் தன்னம்பிக்கையும் உணர்ச்சி சமநிலையுமாகும்.

எண் 9

9, 18, மற்றும் 27 ஆம் தேதிகளில் பிறந்த பெண்கள் செவ்வாய் கிரகத்துடன் தொடர்புடையவர்களாகக் கருதப்படுகிறார்கள். செவ்வாய் கிரகம் வலிமை, தைரியம் மற்றும் போராட்டத்தின் கிரகமாகக் கருதப்படுகிறது. இந்தப் பெண்கள் அச்சமற்றவர்களாகவும், மன உறுதி மிக்கவர்களாகவும் இருப்பார்கள். யாராவது அவர்களை அடக்க முயன்றால், அவர்கள் இன்னும் அதிக வலிமையுடன் அவர்களை எதிர்ப்பார்கள். இருப்பினும், சில சமயங்களில் அவர்களின் கோபம் அவர்களுக்கே எதிராகத் திரும்புவதும் உண்மையே.

இதன் பின்னால் எண் கணிதத்தின் இரகசியங்கள் மட்டுமல்ல, ஜோதிடக் கூட்டணிகளின் பண்புகளும் அடங்கியுள்ளன.

சந்திரன்-செவ்வாய் சேர்க்கை உணர்ச்சி வலிமையையும் தைரியத்தையும் வழங்குகிறது. லக்னத்தில் சூரியன் ஒருவருக்கு இயல்பான தலைமைப் பண்புகளை அளிக்கிறது, அதே சமயம் நடு வீடுகளில் கேது அவர்களை சுதந்திரமானவர்களாகவும் பற்றற்றவர்களாகவும் ஆக்குகிறது. ஆனால் புரிந்து கொள்ள வேண்டிய மிக முக்கியமான விஷயம் என்னவென்றால், எந்தவொரு பெண்ணையோ அல்லது ஆணையோ கட்டுப்படுத்தும் எண்ணம் முற்றிலும் தவறானது. உறவுகளில் சமத்துவம், மரியாதை மற்றும் புரிதல் ஆகியவை மிகவும் முக்கியமானவை, ஆதிக்கம் அல்ல. ஒட்டுமொத்தமாக, சில பெண்கள் தங்கள் இயல்பு, சிந்தனை முறை மற்றும் தன்னம்பிக்கை காரணமாக அதிக சுதந்திரமாகவும் வலிமையாகவும் இருக்கிறார்கள். இருப்பினும், அவர்கள் மீது எந்த விதமான ஆதிக்கத்தையும் காட்டுவது அல்லது அவர்களின் பிறந்த தேதியின் அடிப்படையில் அவர்களை வரையறுப்பது ஒரு குறுகிய மனப்பான்மையைப் பிரதிபலிக்கிறது. உண்மையான சக்தி கிரகங்களில் மட்டும் இல்லை, மாறாக ஒரு நபர் எடுக்கும் முடிவுகள், அனுபவங்கள் மற்றும் எண்ணங்களில் உள்ளது.

குறிப்பு: இங்கு வழங்கப்பட்டுள்ள தகவல்கள் நம்பிக்கைகளின் அடிப்படையில் மட்டுமே அமைந்துள்ளன. இவற்றை நீங்கள் எந்த அளவிற்கு கருத்தில் கொள்கிறீர்கள் என்பது முற்றிலும் உங்களைப் பொறுத்தது. எந்தவொரு தகவல் அல்லது நம்பிக்கையின் அடிப்படையிலும் செயல்படுவதற்கு முன்பு, சம்பந்தப்பட்ட நிபுணரைக் கலந்தாலோசிக்கவும்.

Gajakesari Raja Yogam: அடிக்கப்போது கஜகேசரி ராஜயோகம்! அடுத்த வாரம் வாழ்க்கை மாறப்போகும் ராசிக்காரர்கள் யார்?

சுகுமாறன் — Thu, 16 Apr 2026 13:30:42 +0530

ஜோதிடத்தில் ராஜயோகம், சுக்கிர யோகம், குருயோகம் என்று இருப்பது போல மிகவும் முக்கியமான யோகம் கஜகேசரி ராஜயோகம்(Gajakesari Raja Yogam) ஆகும். இது வாழ்வில் மிகப்பெரிய ஏற்றத்தையும், மாற்றத்தையும் உண்டாக்கும்.

கஜகேசரி ராஜயோகம் என்றால் என்ன?

ஜோதிட கட்டங்களில் குரு பகவான் அதாவது வியாழன் மற்றும் சந்திரன் இரண்டும் இணைவது அல்லது சமசப்தமாக அமையும்போது இந்த கஜகேசரி ராஜயோகம் உண்டாகும். கஜம் என்றால் யானை. கேசரி என்றால் சிங்கம். இந்த இரண்டு பலமிகுந்த விலங்குகளின் குணாதிசயத்தைப் போல கஜகேசரி ராஜயோகத்தின் பலன்கள் அமையும். 1, 4, 7 அல்லது 10 ஆகிய வீடுகளில் இணையும்போது இந்த கஜகேசரி ராஜயோகம் கிட்டும்.

சந்திரனும், குருவும் வலுப்பெற்றிருக்கும்போதோ அல்லது இரண்டில் ஒன்று வலுப்பெற்றிருந்தால் மிகப்பெரிய யோகமாக மாறும். சந்திரன் ஆட்சி பலத்திலோ அல்லது சந்திரன் ரிஷபத்தில் உச்ச பலத்தில் இருந்து குரு 4. 7 அல்லது 10 வீடுகளில் இருந்தால் பல எதிர்பாராத யோகம் கிடைக்கும். இல்லாவிட்டால் குரு ஆட்சி பீடத்தில் இருக்க வேண்டும்.

கஜகேசரி ராஜயோகம் எந்த ராசிக்கு?

வரும் 21ம் தேதி குரு பகவான் அதாவது வியாழனும், சந்திரனும் இணைகின்றனர். அந்த நாளில் மிதுனத்தில் குருவும், சந்திரனும் இணைகின்றனர். இதன் மூலம் 3 ராசிகளுக்கு இந்த யோகம் அடிக்கப்போகிறது.

1. மிதுனம்

2. சிம்மம்

3. கன்னி

கஜகேசரி ராஜயோகம் மூலமாக இந்த 3 ராசியினர் வாழ்வில் மிகப்பெரிய மாற்றம் உண்டாகும். அதாவது, கஜமாகிய யானையைப் போன்ற ஆழ்ந்த அறிவாற்றலும், பலமும், கேசரியாகிய சிங்கத்தின் எதற்கும் அஞ்சாத துணிவும் உள்ளது.

என்ன பலன்கள்?

கஜகேசரி ராஜயோகத்திற்கு பிறகு உங்கள் வாழ்வில் மிகப்பெரிய ஏற்றத்தையும், மாற்றத்தையும் நீங்கள் சந்திப்பீர்கள். நீண்ட நாட்களாக எதிர்பார்த்து காத்திருந்த பதவி உயர்வு கிடைக்கும். உங்கள் திறமைக்கும், உழைப்பிற்கும் ஏற்ற அங்கீகாரம் கிட்டும். அதிகளவு தலைமைப் பண்பு தேடி வருவதற்கான வாய்ப்புகள் கிட்டும். பொருளாதார ரீதியாக மிகப்பெரிய ஏற்றம் உண்டாகும்.

இதனால், வீடு, கார் வாங்கும் வசதியும் உண்டாகும். தெளிவான சிந்தனை அதிகரிப்பதன் மூலமாக உங்கள் சுற்றத்தார் மத்தியில் உங்கள் புகழ் ஓங்கும். எப்பேற்பட்ட இக்கட்டான சூழல் வந்தாலும் அதை திறம்பட கையாண்டு அனைவரது பாராட்டையும் பெறுவீர்கள்.

அதேசமயம், சந்திரன் தேய்பிறையில் இருந்தால் இந்த கஜகேசரி ராஜயோகம் கிட்டாது. அனைத்து ராசியினருக்கும் இந்த கஜகேசரி ராஜயோக பலன்கள் கிட்டாது. ஆனால், 3ல் இருவருக்கு கிடைக்கும்.

Akshaya Tritiya 2026: அட்சய திருதியை - எந்த 4 ராசிக்காரர்களுக்கு பணம் கொட்டும்? தங்கம் வாங்க சரியான நேரம் என்ன?

குலசேகரன் முனிரத்தினம் — Sun, 12 Apr 2026 12:40:33 +0530

Akshaya Tritiya 2026: நடப்பாண்டு அட்சய திருதியையான ஏப்ரல் 19ம் தேதி தங்கம் வாங்க சரியான நேரம் எது? என்பது தொடர்பான விவரங்கள் கீழே பட்டியலிடப்பட்டுள்ளன.

அட்சய திருதியை 2026

நடப்பாண்டிற்கான அட்சய திருதியை வரும் ஏப்ரல் 19ம் தேதி கொண்டாடப்பட உள்ளது. ஒவ்வொரு ஆண்டும் சித்திரை மாதத்தில் அமாவசைக்கு அடுத்த அதாவது வளர்பிறையின் மூன்றாவது நாள் கொண்டாடப்படும் அட்சய திருதியை, இந்துங்களால் மங்களகரமான நாளாக கருதப்படுகிறது. இந்த நாளில் முன்னெடுக்கும் எந்தவொரு செயலும் நல்ல பலனை அளிக்கும் , அந்த நாளில் லட்சுமி தேவியின் வடிவமாக கருதப்படும் தங்கத்தை வாங்குவது, வீட்டில் செல்வத்தை பெருக்கும் என்று நம்பப்படுகிறது. அட்சயம் என்றால் சிதைவின்றி என்பது பொருளாகும். அதவாது வளர்ச்சிக்கு உதவும் நாள் என்று கூறப்படுகிறது. அந்த வகையில் நடப்பாண்டில் வரும் ஏப்ரல் 19ம் தேதி வந்துள்ள அட்சய திருதியையின்போது, மேஷ ராசியில் சூரியனும், ரிஷப ராசியில் சந்திரனும் இரு சிறந்த நிலைக்கு நகர்ந்து, அட்சய யோகத்தை உருவாக்க உள்ளன. இந்த நாளில் தங்கம் வாங்க சரியான நேரம் எது? எந்தெந்த ராசிக்காரர்களுக்கு மிகவும் நன்மை பயக்கும் என்ற விவரங்கள் கீழே பட்டியலிடப்பட்டுள்ளன.

தங்கம் வாங்க சரியான நேரம் எது?

நடப்பாண்டிற்கான அட்சய திருதியை ஏப்ரல் 19ம் தேதி காலை 10.49 மணிக்கு தொடங்கி, மறுநாள் காலை 7.27 மணி வரை நீடிக்கிறது. இந்த நாளில் தங்கம் வாங்க விரும்புபவர்கள் ஏப்ரல் 19ம் தேதி காலை 10.49 முதல் ஏப்ரல் 20ம் தேதி காலை 7.27 மணிக்குள் தங்கம் வாங்குவதற்கு உகந்த நேரமாகும். இந்த நாளில் தானம் வழங்குவது, பூஜைகள் மேற்கொள்வது மற்றும் தங்கம் வாங்குவது ஆகியவை நிலையான செல்வத்தையும், புண்ணியத்தையும் தரும் என்பது பொதுமக்களிடையே நிலவும் நம்பிக்கையாகும்.

எந்தெந்த ராசிக்காரர்களுக்கு அதிர்ஷ்டம் கொட்டும்?

1. மேஷ ராசி

2026ம் ஆண்டிற்கான அட்சய திருதியையானது மேஷ ராசிக்காரர்களுக்கு மிகவும் பலனை தரக்கூடியதாக இருக்கும். ஏப்ரல் 19ம் தேதிக்குப் பிறகு இவர்களுக்கு தன்னம்பிக்கை அதிகரிப்பதோடு, தைரியமும் கூடும். பணியில் இருப்பவர்களுக்கு பதவி உயர்வுகளுக்கு வாய்ப்புள்ளது. புதிய பொறுப்புகளை ஏற்படுவதோடு, தொழிலை விரிவுபடுத்துவார்கள். பொருளாதார ரீதீயாக நல்ல நிலையை எட்டுவதோடு, பழைய முதலீடுகளிலிருந்து லாபம் பெறவும் வாய்ப்புள்ளது.

2. ரிஷப ராசி

இந்த அட்சய திருதியை ரிஷப ராசிக்காரர்களுக்கு மிகவும் அற்புதமாக இருக்கும். வாழ்க்கை செழிப்படைவதோடு, நிதி மேலாண்மையும் முன்பை விட சிறப்பாக மாறும். எதிர்பாராத வழிகளிலிருந்து லாபம் கிடைக்கும். நீங்கள் முன்னெடுக்கும் எந்தவொரு காரியமும் வெற்றிபெற வாய்ப்பு அதிகரிக்கும். வீட்டில் உள்ள சூழல் இனிமையாக மாறுவதோடு, குடும்ப உறுப்பினர்களிடமிருந்து முழு ஆதரவும் கிடைக்கும்.

3. சிம்ம ராசி

சிம்ம ராசிக்கார்களுக்கு நடப்பாண்டிற்கான அட்சய திருதியை ஒரு பொன்னான தருணமாகும். இவர்களுக்கு எல்லா அதிர்ஷ்டமும் துணை நிற்கும். முடங்கிக் கிடக்கும் திட்டங்களுக்கு மீண்டும் புத்துயிர் அளிக்க இந்த காலகட்டம் உதவும். தொழிலதிபர்களுக்கு லாபம் குவிய வாய்ப்புள்ளது. எதிர்காலத்தில் லாபம் ஈட்டித்தரக்கூடிய ஒப்பந்தங்கள் கையெழுத்தாகலாம். சமூகத்தில் உங்களது அதிர்ஷ்டம் உயரும்.

4. விருச்சிக ராசி

விருச்சிக ராசிக்காரர்கள் நிதித்துறையில் சிறந்த பலனை பெறக்கூடும். புதிய வருமான வழிகள் உருவாவதோடு, குடும்ப சொத்து தொடர்பான பிரச்னைகள் முடிவுறலாம். பழைய முதலீடு கணிசமான லாபத்தை தரலாம். வெளிநாடு செல்ல திட்டமிடுபவர்களுக்கு நல்ல சேதி கிடைக்கலாம். சம்பள உயர்வுடன், சிறந்த வேலை வாய்ப்பு கிடைப்பதற்கான ஆழமான சாத்தியமும் உள்ளது.

மேஷ ராசியினரே! ஏப்ரல் மாசம் பணம்கொட்டப்போகுதா? கட்டம் சொல்வது இதுதான்!

ஜோதிட ரத்னா சிம்மம் ஷாம் — Sat, 28 Mar 2026 14:48:39 +0530

ஏப்ரல் மாதம் மேஷ ராசிக்காரர்களுக்கு முன்னேற்றம் மற்றும் சவால்கள் கலந்த மாதமாக இருக்கும். இந்த மாதத்தில் புதிய முயற்சிகள் செய்யும் எண்ணம் அதிகரிக்கும். நீண்ட நாட்களாக நிலுவையில் இருந்த வேலைகள் நிறைவேறும். சில நேரங்களில் அவசர முடிவுகள் சிக்கலை ஏற்படுத்தலாம். ஆகவே முக்கிய முடிவுகளை கவனமாக எடுக்க வேண்டும்.

பண உதவி:

பணம் வருவாய் நிலையாக இருக்கும். தொழில் அல்லது வேலை வாயிலாக கூடுதல் வருமானம் கிடைக்கும். எதிர்பாராத இடத்தில் இருந்து பண உதவி கிடைக்க வாய்ப்பு உள்ளது. ஆனால் தேவையற்ற செலவுகளை கட்டுப்படுத்துவது நல்லது. நண்பர்கள் அல்லது உறவினர்களுக்கு கடன் கொடுப்பதில் கவனம் தேவை.

தொழில் - வியாபாரம்:

தொழிலில் முன்னேற்றம் காணப்படும். புதிய ஒப்பந்தங்கள் கிடைக்கும் வாய்ப்பு உள்ளது. வேலைக்குச் செல்வோருக்கு பதவி உயர்வு அல்லது சம்பள உயர்வு கிடைக்கலாம். வியாபாரிகளுக்கு விற்பனை அதிகரிக்கும். ஆனால் கூட்டாளிகளுடன் பேசும் போது கவனமாக இருக்க வேண்டும்.

இல்லத்தரசிகளுக்கு

இல்லத்தரசிகளுக்கு குடும்பத்தில் மகிழ்ச்சி அதிகரிக்கும். வீட்டில் சுப நிகழ்ச்சிகள் நடைபெற வாய்ப்பு உள்ளது. குடும்ப உறுப்பினர்களுடன் நல்ல உறவு உருவாகும். புதிய பொருட்கள் வாங்கும் வாய்ப்பும் உள்ளது.

மாணவர்களுக்கு:

மாணவர்களுக்கு கல்வியில் முன்னேற்றம் காணப்படும். போட்டித் தேர்வுகளுக்கு தயாராகும் மாணவர்கள் வெற்றி பெற வாய்ப்பு உள்ளது. கவனம் சிதறாமல் படிப்பது நல்ல பலனை தரும்.

உடல்நிலை:

உடல்நிலையில் சிறிய சோர்வு அல்லது தலைவலி ஏற்படலாம். உணவு பழக்கத்தில் கவனம் செலுத்த வேண்டும். உடற்பயிற்சி செய்வது நல்லது.

பொருளாதார முன்னேற்றம்:

பொருளாதார முன்னேற்றம் மெதுவாக இருக்கும். முதலீடு செய்யும் முன் ஆலோசனை பெறுவது நல்லது. நிலம் அல்லது வீடு வாங்கும் வாய்ப்பு உள்ளது.

கடன் - நோய்:

பழைய கடன்களை அடைக்க வாய்ப்பு உள்ளது. ஆனால் புதிய கடன்களை தவிர்க்க வேண்டும். சளி, காய்ச்சல் போன்ற சிறிய உடல்நல பிரச்சினைகள் ஏற்படலாம்.

பரிகாரம்:

செவ்வாய்க்கிழமை முருகன் கோவிலுக்கு சென்று வழிபடுங்கள். சிவன் கோவிலில் தீபம் ஏற்றுவது நல்லது. சிவப்பு நிற ஆடை அணிவது நல்ல பலனை தரும்.

அஷ்டம சனி.. 2026 தேர்தல் முதல்வர் ஸ்டாலினுக்கு எப்படி இருக்கும்? - ஜோதிடர் ஷெல்வி கணிப்பு!

பேச்சி ஆவுடையப்பன் — Fri, 20 Mar 2026 10:25:30 +0530

2026 சட்டமன்ற தேர்தல் முதலமைச்சர் ஸ்டாலினுக்கு எப்படி இருக்கும் என நிகழ்ச்சி ஒன்றில் ஜோதிடர் ஷெல்வி தாமோதரன் கணித்துள்ளார்.

2026 தமிழக சட்டமன்ற தேர்தல் நடைபெறவுள்ளது. இதில் திமுக, அதிமுக, நாம் தமிழர் கட்சி, தமிழக வெற்றிக் கழகம் என 4 முனை போட்டி நிலவுகிறது. இதனிடையே ஊடக நிகழ்ச்சி ஒன்றில் ஜோதிடர் ஷெல்வி கலந்து கொண்டார். அப்போது அவரிடம் அரசியல் தலைவர்கள் புகைப்படம் காட்டி தேர்தல் கணிப்புகள் பற்றி கேட்கப்பட்டது

முதலில் முதலமைச்சர் மு.க.ஸ்டாலினின் புகைப்படம் காட்டப்பட்டது. அதற்கு, “இவர் ஒரு சிறந்த தலைவர். கூட்டணி எல்லாம் முடிவு செய்ய முடியாது என சொல்லப்பட்ட நிலையில் அதனை சரியாக அமைத்து சாதித்து காட்டினார். தலைவராக இருக்க வேண்டுமென்றால் பொறுமை தேவை. அந்த ராசிக்கு உகந்த சிம்ம ராசிக்கு சொந்தக்காரர் மு.க.ஸ்டாலின். எந்த விஷயமும் எளிதாக இல்லாமல் சிரமப்பட வேண்டிய காலக்கட்டம். அரசியலைப் பொறுத்தவரை மாற்றம் இருந்துக் கொண்டே இருக்கும். மார்ச் இரண்டாம் வாரம் வரை கும்ப ராசியில் சூரியன் இருப்பதால் எதிர்பாராத மாற்றங்கள் இருந்திருக்கும். என்னைப் பொறுத்தவரை சனிப்பெயர்ச்சியில் அஷ்டம சனி சிம்ம ராசியில் நிலவுவதால் அரசியல் தாண்டி முதலமைச்சர் ஸ்டாலின் உடல்நலத்தில் அதிக கவனம் செலுத்த வேண்டும்” என தெரிவித்தார்.

அடுத்ததாக அண்ணாமலைக்கு, “இவருக்கு கடக ராசி. அஷ்டம சனி விலகியிருக்கிறது. மார்ச் இரண்டாம் வாரத்தில் இருந்து சூரியனும் விலகுவார். குறைந்த காலக்கட்டதில் தமிழ்நாட்டில் அனைவரையும் கவர்ந்தவர். விபரீத ராஜயோகம் கொண்டவர். அரசியல் நிறைய பேர் நினைப்பது போல இல்லாமல் அண்ணாமலை தேசிய அளவில் ஜொலித்துக் கொண்டிருப்பார். வெகுவிரைவில் அவரைத் தேடி பதவி வரும் என கணித்துள்ளார்.

இதனையடுத்து சீமான் புகைப்படம் காட்டப்பட்டது. அதனைப் பார்த்து, “யார் என்ன சொன்னாலும் கவலைப்படாத மனிதர். அதுதான் இளைஞர்களுக்கு உத்வேகமாக இருக்கிறார். நாம் தமிழரின் வாக்கு வங்கி குறையும் என சொல்கிறார்கள். ஆனால் அந்த வாக்குகள் ஒருவர் ஜெயிக்க வாய்ப்புள்ள இடத்தில் எதிர்மறையான முடிவையும், தோற்க வாய்ப்புள்ள இடத்தில் எதிர்பாராத வெற்றியையும் கொடுக்கும். அரசியலில் தனி மரம் தோப்பாகாது. 234 தொகுதிகளிலும் வேட்பாளரை நியமித்து விட்டார். தேர்தலுக்கு முன்பு நிச்சயம் மாற்றம் இருக்கும்” என கூறினார்.

கடைசியில் விஜய் புகைப்படம் காட்டப்பட்டது. அதற்கு, “அரசியலில் வாய்ப்பில்லை என சொல்ல முடியாது. விஜய் அரசியலை தொடங்கு முன் நான் கொடுத்த பேட்டியில் ஆட்டம் ஆரம்பமாகி விட்டது என கூறினேன். கடக ராசி என்பதால் இப்போது ஏறுமுகம் தான். முடிவு சரியானதாக இருக்கும். நம்பர் 1, நம்பர் 2 வருவதற்குள் ஈஸியான வழி கிடைத்து விடும். கூட இருப்பவர்கள் விஜயை கெடுக்காமல் இருந்தால் போதும்” என ஷெல்வி கூறியுள்ளார்.

TVK Vijay: விஜய்க்கு 27ம் தேதி கண்டம்.. சட்டமன்ற தேர்தலில் ஜெயிப்பாரா? - ஜோதிடர் ஷெல்வி கணிப்பு!

பேச்சி ஆவுடையப்பன் — Tue, 17 Mar 2026 09:27:26 +0530

விஜயின் ஜாதகத்தில் செவ்வாய் பகவான் நீட்சியடைந்தவர் என்பதால் அவருக்கு 27ம் தேதி எதிர்மறையாக அமைவதாக பிரபல ஜோதிடர் ஷெல்வி தாமோதரன் தெரிவித்துள்ளார்.

2026ம் ஆண்டுக்கான தமிழக சட்டமன்ற தேர்தல் ஏப்ரல் 23ம் தேதி நடைபெறவுள்ளது. இந்த தேர்தலில் விஜயின் தமிழக வெற்றிக் கழகம் முதல்முறையாக களமிறங்குகிறது. இந்த நிலையில் கடந்த செப்டம்பர் மாதம் முதல் விஜய் வாழ்க்கையில் தொடர்ச்சியாக எதிர்பாராத சம்பவங்கள் நடைபெற்று வருகிறது. இதனால் தவெக தொண்டர்கள் கலங்கி போயுள்ளனர். குறிப்பாக விஜயின் விவாகரத்து வழக்கு, அவர் நடிகை ஒருவருடன் தொடர்பில் இருப்பதாக மனைவி சங்கீதாவின் குற்றச்சாட்டு போன்றவை தவெகவினர் மத்தியில் கவலைக்குரிய விஷயமாக மாறியுள்ளது.

இப்படியான நிலையில் பிரபல ஜோதிடர் ஷெல்வி தாமோதரன் தனியார் ஊடக நிகழ்ச்சி ஒன்றில் பங்கேற்றார். அவரிடம், விஜய்க்கு நடந்த சம்பவங்கள் பற்றி கேள்வி எழுப்பப்பட்டது.

அதற்கு ஒரு மனிதர் சமூகத்தில் பேசுபொருளாக இருக்கும்போது அவருக்கு நடக்கக்கூடிய விஷயம் கூட மிகப்பெரிய அளவில் பரபரப்பான விஷயமாக மாறுகிறது. விஜய் எனக்கு நல்ல நண்பர். அவர் அரசியலுக்கு வந்த பின்பு விக்கிரவாண்டி மாநாடு, கரூர் சம்பவம், கரூரில் பாதிக்கப்பட்டவர்களை சந்தித்தது, செங்கோட்டையன் தவெகவில் இணைந்தது, ஜனநாயகன் ஆடியோ நிகழ்ச்சி, ஜனநாயகன் வழக்கு, விஜய் விவகாரத்து சம்பவம் ஆகியவை 27ம் தேதியில் நடக்கிறது. அதன் கூட்டுத்தொகை 9. விஜயின் ஜாதகத்தில் செவ்வாய் நீட்சமடைந்தது. செவ்வாய் என்றால் 9ம் எண்ணை குறிப்பதாகும். அந்த எண் வரும் தேதிகளை விஜய் அதனை தவிர்ப்பது நல்லது என தெரிவித்தார்.

தொடர்ந்து அவரிடன் விஜயின் தனிப்பட்ட வாழ்க்கையில் நடக்கும் பிரச்னைகள் பற்றி கேள்வியெழுப்பப்பட்டது. அதற்கு, “யார் வீட்டில் தான் தனிப்பட்ட வாழ்க்கையில் பிரச்னை இல்லாமல் இருக்கிறது சொல்லுங்கள். நம் வீட்டில் எல்லாம் பிரச்னையே நடக்காதா?. 10 ஆண்டுகளுக்கு முன் குடும்ப நல நீதிமன்றம் 2 தான் இருந்தது. இப்ப தமிழ்நாட்டில் சென்னையில் மட்டும் எத்தனை இருக்கிறது என எண்ணிப் பாருங்கள்.

வளர்ச்சி வரும்போது பிரச்னைகள் வரும். ஒரு மனிதனின் தனிப்பட்ட வாழ்க்கை பிரச்னை என்றால் இங்கு எல்லாரும் அவரவர் முகத்தை கண்ணாடியில் பார்த்துக் கொள்ளுங்கள். என்னைப் பொறுத்தவரை இது தேர்தலில் எல்லாம் பெரிதாக எதிரொலிக்காது. விஜய்க்கு இருப்பதெல்லாம் அம்மா, அப்பா, கடவுள் என யார் சொல்லியும் கேட்காத ஒரு கூட்டம். அவர்கள் இதனை பாசிட்டிவாக தான் எடுத்துச் செல்வார்கள்.

ஒவ்வொரு வீட்டுக்கு ஒரு வாசப்படி இருக்கும். அதனால் ஒருவரின் தனிப்பட்ட வாழ்க்கையைப் பார்க்காதீர்கள். அவர் எப்படி இருக்கிறார் என பாருங்கள். விஜயும், சங்கீதாவும் மீண்டும் ஒன்றாக சேர்ந்தால் என்ன பண்ணுவீர்கள் சொல்லுங்கள். விஜய் நடிப்பு, அரசியல் பயணத்தைப் பாருங்கள். இனியும் விஜய் தான் பேசுபொருளாக இருப்பார் எனவும் ஜோதிடர் ஷெல்வி தெரிவித்துள்ளார்.

Kumbha Rasi: சனிப்பெயர்ச்சி... கும்பத்துக்கு ஜாலியா? இல்ல காலியா? இதுதான் நடக்கும்!

சுகுமாறன் — Wed, 11 Mar 2026 21:50:35 +0530

Kumbha Rasi Sani Peyarchi Palangal 2026 in Tamil: சனி பகவான் கும்ப ராசியிலிருந்து மீன ராசிக்கு பெயர்ச்சி ஆகிறார். கும்ப ராசிக்காரர்களுக்கு மீனம் என்பது 2-ஆம் இடம் ஆகும். ஜோதிடத்தில் 2-ஆம் இடம் என்பது பணம், குடும்பம், சேமிப்பு, பேச்சுத் திறன், குடும்ப மரபு போன்றவற்றைக் குறிக்கிறது. இந்த இடத்தில் சனி இருப்பதால் பண விஷயங்களிலும் குடும்ப விஷயங்களிலும் சற்று கவனம் தேவைப்படும் காலமாக இருக்கலாம்.

பண விவகாரத்தில் கவனம்

முதலில் பணநிலை குறித்து பார்க்கும்போது, இந்த காலத்தில் வருமானம் இருந்தாலும் செலவுகள் கூட வாய்ப்பு உள்ளது. அதனால் பணத்தை திட்டமிட்டு பயன்படுத்துவது மிகவும் அவசியம். தேவையற்ற செலவுகளை தவிர்த்து சேமிப்பு பழக்கத்தை வளர்த்துக் கொள்வது நல்லது. சிலருக்கு பண வரவு மெதுவாக இருந்தாலும் நிலையானதாக இருக்கும். முதலீடுகள் செய்வதில் கவனமாக இருக்க வேண்டும்.

வேலை மற்றும் தொழில் குறித்து பார்க்கும்போது உழைப்புக்கு மதிப்பு கிடைக்க வாய்ப்பு உள்ளது. ஆனால் முன்னேற்றம் மெதுவாக இருக்கும். வேலைப்பளு அதிகரிக்கலாம். மேலதிகாரிகளின் நம்பிக்கையை பெற கடினமாக உழைக்க வேண்டிய சூழ்நிலை உருவாகலாம். தொழில் செய்பவர்களுக்கு புதிய வாய்ப்புகள் கிடைக்கலாம், ஆனால் அவற்றை கவனமாக பயன்படுத்த வேண்டும்.

அமைதி அவசியம்:

குடும்ப வாழ்க்கை குறித்து பார்க்கும்போது குடும்பத்தில் சில நேரங்களில் கருத்து வேறுபாடுகள் தோன்றலாம். பேசும் வார்த்தைகளில் கவனம் மிகவும் அவசியம். கோபம் அல்லது அவசரத்தில் பேசாமல் அமைதியாக பேசினால் குடும்பத்தில் நல்ல அமைதி நிலவும். குடும்ப உறுப்பினர்களுடன் புரிதலுடன் நடந்துகொள்வது நல்லது.

பேச்சுத் திறன் மற்றும் சமூக தொடர்பு குறித்து பார்க்கும்போது இந்த காலத்தில் பேசும் வார்த்தைகளில் கவனம் தேவை. சில நேரங்களில் சொன்ன வார்த்தைகள் மற்றவர்களுக்கு தவறாக புரிய வாய்ப்பு உள்ளது. அதனால் பேசுவதற்கு முன் சிந்தித்து பேசுவது நல்லது. சமூக தொடர்புகளில் அமைதியும் மரியாதையும் இருந்தால் நல்ல பெயர் கிடைக்கும்.

உடல்நலம்:

பண சேமிப்பு மற்றும் சொத்து குறித்து பார்க்கும்போது சேமிப்பில் கவனம் செலுத்துவது நல்லது. நீண்ட காலத்திற்கு பயன்படும் முதலீடுகளை தேர்வு செய்வது நல்லது. வீடு அல்லது நிலம் வாங்கும் எண்ணம் இருந்தால் கவனமாக முடிவு எடுக்க வேண்டும்.

ஆரோக்கியம் குறித்து பார்க்கும்போது பொதுவாக உடல்நலம் சரியாக இருக்கும். ஆனால் மன அழுத்தம் அல்லது வேலைப்பளு காரணமாக சோர்வு ஏற்படலாம். அதனால் உடற்பயிற்சி, யோகா, தியானம் போன்றவற்றை பின்பற்றுவது நல்லது. சீரான உணவு பழக்கம் உடல்நலத்தை பாதுகாக்கும்.

ஆன்மீக பயணம்:

மனநிலை மற்றும் வாழ்க்கை அனுபவம் குறித்து பார்க்கும்போது, இந்த காலம் கும்ப ராசிக்காரர்களுக்கு பொறுமை மற்றும் ஒழுக்கத்தை கற்றுத்தரும். சனி பகவான் நம்மை சோதித்து நம்மை வலுவானவர்களாக மாற்றும் கிரகம். அதனால் இந்த காலத்தில் நீங்கள் சந்திக்கும் அனுபவங்கள் வாழ்க்கையில் நல்ல பாடங்களை கற்றுத்தரும்.

ஆன்மீக ரீதியாக கோவில் தரிசனம், தியானம், யாத்திரை போன்றவற்றில் ஆர்வம் அதிகரிக்கலாம். ஆன்மீக வழிபாடு மன அமைதியையும் நம்பிக்கையையும் தரும்.

மொத்தத்தில் பார்க்கும்போது கும்ப ராசிக்காரர்களுக்கு மீனத்தில் சனி இருப்பது பண விஷயங்களில் ஒழுக்கம் மற்றும் பொறுமை தேவைப்படும் காலம் என்று சொல்லலாம். ஆரம்பத்தில் சில சவால்கள் இருந்தாலும் திட்டமிட்டு செயல்பட்டால் நிலையான முன்னேற்றம் கிடைக்கும்.

பரிகாரம்:

சனிக்கிழமைகளில் சனி பகவான் கோவிலுக்கு சென்று வழிபடுதல் நல்லது. எள் எண்ணெய் விளக்கு ஏற்றுதல், காகங்களுக்கு உணவு இடுதல், ஏழைகளுக்கு உதவி செய்தல் போன்றவை சனி தோஷங்களை குறைக்கும் என்று ஜோதிடத்தில் கூறப்படுகிறது. மேலும் ஹனுமான் வழிபாடு செய்தாலும் நல்ல பலன் கிடைக்கும்.

Dhanusu Rasi Sani Peyarchi Palan: தனுசு ராசிக்காரர்களே.. சனிப்பெயர்ச்சியால் உங்களுக்கு சாதகமா? பாதகமா?

ஜோதிட ரத்னா சிம்மம் ஷாம் — Wed, 11 Mar 2026 21:29:45 +0530

Dhanusu Rasi Sani Peyarchi Palangal 2026 in Tamil: சனி பகவான் கும்ப ராசியிலிருந்து மீன ராசிக்கு பெயர்ச்சி ஆகிறார். தனுசு ராசிக்காரர்களுக்கு மீனம் என்பது 4-ஆம் இடம் ஆகும். ஜோதிடத்தில் 4-ஆம் இடம் என்பது வீடு, தாய், குடும்ப அமைதி, சொத்து, வாகனம், மனநிலை போன்றவற்றை குறிக்கிறது. இந்த இடத்தில் சனி இருப்பதால் வாழ்க்கையின் குடும்ப மற்றும் சொத்து தொடர்பான விஷயங்களில் சில சவால்களும் மாற்றங்களும் ஏற்படக்கூடும்.

கருத்து வேறுபாடுகள்:

முதலில் குடும்ப வாழ்க்கை குறித்து பார்க்கும்போது, குடும்பத்தில் சில நேரங்களில் கருத்து வேறுபாடுகள் ஏற்பட வாய்ப்பு உள்ளது. குறிப்பாக வீட்டு விஷயங்கள் அல்லது சொத்து தொடர்பான பிரச்சனைகள் குறித்து விவாதங்கள் ஏற்படலாம். அதனால் குடும்பத்தில் பொறுமையுடன் நடந்து கொள்வது மிகவும் முக்கியம். தாய் அல்லது குடும்ப மூத்தவர்களின் உடல்நிலை குறித்து கவனம் செலுத்த வேண்டிய சூழ்நிலையும் வரலாம். அவர்களுக்கு தேவையான உதவிகளை வழங்குவது நல்லது.

வீடு மற்றும் சொத்து தொடர்பான விஷயங்களில் மாற்றங்கள் ஏற்படக்கூடும். சிலருக்கு வீடு வாங்கும் எண்ணம் வரலாம். சிலருக்கு வீட்டை மாற்ற வேண்டிய சூழ்நிலை உருவாகலாம். நிலம், வீடு, சொத்து தொடர்பான முடிவுகளை எடுக்கும் போது கவனமாக இருக்க வேண்டும். அவசரமாக முடிவெடுக்காமல் சிந்தித்து செயல்படுவது நல்லது.

சேமிப்பு பழக்கம்:

வேலை மற்றும் தொழில் குறித்து பார்க்கும்போது ஆரம்பத்தில் சில சிரமங்கள் இருக்கக்கூடும். வேலைப்பளு அதிகரிக்கலாம். உழைப்புக்கு உடனடி பலன் கிடைக்காமல் இருப்பது போல தோன்றலாம். ஆனால் பொறுமையுடன் தொடர்ந்து முயற்சி செய்தால் மெதுவாக முன்னேற்றம் கிடைக்கும். அரசு வேலை அல்லது நிர்வாகத் துறைகளில் இருப்பவர்களுக்கு அனுபவம் அதிகரிக்கும். தொழில் செய்பவர்களுக்கு புதிய வாய்ப்புகள் மெதுவாக உருவாகலாம்.

பணநிலை குறித்து பார்க்கும்போது வருமானம் இருந்தாலும் செலவுகளும் கூடக்கூடும். வீடு, வாகனம் அல்லது குடும்ப தேவைகளுக்காக செலவுகள் ஏற்படலாம். அதனால் பண விஷயங்களில் திட்டமிடல் அவசியம். சேமிப்பு பழக்கத்தை வளர்த்துக் கொள்வது நல்லது.

உடல்நலம் எப்படி?

ஆரோக்கியம் குறித்து பார்க்கும்போது மன அழுத்தம் மற்றும் சோர்வு போன்றவை ஏற்பட வாய்ப்பு உள்ளது. அதனால் உடல்நலத்தை கவனிக்க வேண்டும். சீரான உணவு, உடற்பயிற்சி, யோகா, தியானம் போன்றவற்றை பின்பற்றுவது நல்லது. மன அமைதியை காக்கும் பழக்கங்கள் இந்த காலத்தில் மிகவும் உதவும்.

மனநிலை மற்றும் வாழ்க்கை அனுபவம் குறித்து பார்க்கும்போது, இந்த காலம் தனுசு ராசிக்காரர்களுக்கு பொறுமை மற்றும் பொறுப்பை கற்றுத்தரும். சனி பகவான் நம்மை சோதித்து நம்மை வலுவானவர்களாக மாற்றும் கிரகம். அதனால் இந்த காலம் வாழ்க்கையில் முக்கியமான அனுபவங்களையும் பாடங்களையும் தரும்.

ஆன்மீக ரீதியாக இந்த காலத்தில் கோவில் தரிசனம், தியானம், யாத்திரை போன்றவற்றில் ஆர்வம் அதிகரிக்கலாம். ஆன்மீக வழிபாடு மன அமைதியையும் நம்பிக்கையையும் தரும்.

பொறுமை அவசியம்:

மொத்தத்தில் பார்க்கும்போது தனுசு ராசிக்காரர்களுக்கு மீனத்தில் சனி இருப்பது குடும்பம் மற்றும் சொத்து தொடர்பான விஷயங்களில் பொறுமை தேவைப்படும் காலம் என்று சொல்லலாம். ஆரம்பத்தில் சில சவால்கள் இருந்தாலும் பொறுமை மற்றும் ஒழுக்கத்துடன் செயல்பட்டால் நிலையான முன்னேற்றம் கிடைக்கும்.

பரிகாரம்:

Viruchigam Rasi Sani Peyarchi Palan: சனிப்பெயர்ச்சி விருச்சிக ராசியின் காதல் வாழ்க்கையை பாதிக்குமா? இதோ பரிகாரங்கள்

ஜோதிட ரத்னா சிம்மம் ஷாம் — Wed, 11 Mar 2026 20:47:06 +0530

சனி பகவான் கும்ப ராசியிலிருந்து மீன ராசிக்கு பெயர்ச்சி ஆகிறார். விருச்சிக ராசிக்காரர்களுக்கு மீனம் என்பது 5-ஆம் இடம் ஆகும். ஜோதிடத்தில் 5-ஆம் இடம் என்பது குழந்தைகள், கல்வி, புத்திசாலித்தனம், முதலீடு, காதல், கலை திறமை போன்றவற்றை குறிக்கிறது. இந்த இடத்தில் சனி இருப்பதால் இந்த துறைகளில் சில தாமதங்கள் இருந்தாலும், பொறுமையுடன் செயல்பட்டால் நல்ல முன்னேற்றம் கிடைக்கும்.

பொறுமை அவசியம்:

முதலில் கல்வி மற்றும் அறிவு பற்றி பார்க்கும்போது, விருச்சிக ராசிக்காரர்களுக்கு இந்த காலம் அதிக முயற்சி தேவைப்படும் காலமாக இருக்கலாம். மாணவர்கள் படிப்பில் கவனம் செலுத்த வேண்டும். சனி இருப்பதால் உடனடி பலன் கிடைக்காமல் இருப்பது போல தோன்றலாம். ஆனால் தொடர்ந்து உழைத்தால் நல்ல முன்னேற்றம் கிடைக்கும். ஆராய்ச்சி, கணிதம், அறிவியல் போன்ற துறைகளில் ஆர்வம் அதிகரிக்கலாம்.

குழந்தைகள் தொடர்பான விஷயங்கள் குறித்து பார்க்கும்போது குழந்தைகளின் கல்வி அல்லது எதிர்காலம் குறித்து சிந்தனை அதிகரிக்கலாம். சில நேரங்களில் குழந்தைகள் தொடர்பாக கவலைகள் ஏற்படலாம். ஆனால் பொறுமையுடன் வழிகாட்டினால் நல்ல மாற்றம் ஏற்படும். குழந்தைகளுடன் நல்ல உறவை பேணுவது முக்கியம்.

புதிய பொறுப்புகள்:

பணநிலை மற்றும் முதலீடு குறித்து பார்க்கும்போது இந்த காலத்தில் முதலீடுகள் செய்வதில் கவனம் அவசியம். அவசரமாக பெரிய முதலீடுகளை செய்யாமல் சிந்தித்து முடிவு எடுக்க வேண்டும். பங்கு சந்தை அல்லது ஆபத்தான முதலீடுகளில் ஈடுபடும் போது எச்சரிக்கை அவசியம். வருமானம் இருந்தாலும் செலவுகளை கட்டுப்படுத்துவது நல்லது.

தொழில் மற்றும் வேலை குறித்து பார்க்கும்போது படைப்பாற்றல் தேவைப்படும் துறைகளில் இருப்பவர்களுக்கு நல்ல வாய்ப்புகள் கிடைக்கலாம். கலை, இலக்கியம், கல்வி, ஆலோசனை போன்ற துறைகளில் முன்னேற்றம் ஏற்படலாம். வேலை செய்பவர்களுக்கு புதிய பொறுப்புகள் கிடைக்கலாம். உழைப்பால் மேலதிகாரிகளின் கவனம் கிடைக்கும்.

காதல் வாழ்க்கை எப்படி?

காதல் மற்றும் உறவுகள் குறித்து பார்க்கும்போது சில நேரங்களில் உணர்ச்சி சம்பந்தமான பிரச்சனைகள் தோன்றலாம். அதனால் உறவுகளில் பொறுமை மற்றும் புரிதல் அவசியம். பேசும் வார்த்தைகளில் கவனம் வைத்தால் உறவுகள் நல்ல நிலையில் இருக்கும்.

ஆரோக்கியம் குறித்து பார்க்கும்போது பொதுவாக பெரிய பிரச்சனை இருக்காது. ஆனால் மன அழுத்தம் அல்லது சோர்வு ஏற்படலாம். அதனால் உடற்பயிற்சி, தியானம் போன்றவற்றை பின்பற்றுவது நல்லது. சீரான வாழ்க்கை முறை உடல்நலத்தை மேம்படுத்தும்.

சோதனைக்கு பின் சாதனை:

மனநிலை மற்றும் வாழ்க்கை அனுபவம் குறித்து பார்க்கும்போது, இந்த காலம் விருச்சிக ராசிக்காரர்களுக்கு பொறுமை மற்றும் சிந்தனை திறனை அதிகரிக்கும். சனி பகவான் நம்மை சோதித்து நம்மை வளர்ச்சியடையச் செய்யும் கிரகம். அதனால் இந்த காலம் வாழ்க்கையில் முக்கியமான அனுபவங்களையும் பாடங்களையும் தரும்.

ஆன்மீக ரீதியாக இந்த காலத்தில் கோவில் தரிசனம், தியானம், யாத்திரை போன்றவற்றில் ஆர்வம் அதிகரிக்கலாம். ஆன்மீக சிந்தனை மன அமைதியையும் உள்ளார்ந்த வலிமையையும் தரும். மொத்தத்தில் பார்க்கும்போது விருச்சிக ராசிக்காரர்களுக்கு மீனத்தில் சனி இருப்பது பொறுமை மற்றும் முயற்சியின் மூலம் முன்னேற்றம் பெறும் காலம் என்று சொல்லலாம். ஆரம்பத்தில் சில தாமதங்கள் இருந்தாலும் தொடர்ந்து உழைத்தால் வாழ்க்கையில் நல்ல பலன்கள் கிடைக்கும்.