அரிசி விலை உயர்வு கட்டுக்குள் வரும்; பதுக்கல் மீது கடும் நடவடிக்கை: அமைச்சர் வெங்கட்ராமன் !

வருண பகவான் காட்டிய கருணை... செழித்து வளர்ந்த பொங்கல் கரும்பு: விலை உயருமா என எதிர்பார்ப்பு

என்.நாகராஜன் — Thu, 29 Oct 2026 17:01:13 +0530

திருச்சி: சமீபத்தில் பெய்த பருவமழை கைகொடுத்ததால், திருச்சி மாவட்டம் திருவளர்ச்சோலை பகுதியில் பொங்கல் பண்டிகைக்காகச் சாகுபடி செய்யப்பட்டுள்ள கரும்புகள் செழிப்பாக வளர்ந்து வருகின்றன. ஆயிரத்திற்கும் மேற்பட்ட ஏக்கர் பரப்பளவில் மேற்கொள்ளப்பட்டுள்ள கரும்பு சாகுபடியில், தற்போது களை எடுப்பது, பூச்சித் தாக்குதலைத் தடுப்பதற்காக மருந்து தெளிப்பது உள்ளிட்ட பராமரிப்புப் பணிகளில் விவசாயிகள் தீவிரமாக ஈடுபட்டுள்ளனர். இந்த ஆண்டு பொங்கல் பண்டிகையின்போது கரும்புக்கு நல்ல விலை கிடைக்கும் என்ற எதிர்பார்ப்புடன் விவசாயிகள் காத்திருக்கின்றனர்.

பொங்கல் பண்டிகையின் அடையாளம் கரும்பு

தமிழர்களின் பாரம்பரியத்தையும் உழவுத் தொழிலின் பெருமையையும் பறைசாற்றும் முக்கியமான பண்டிகையாக பொங்கல் திருநாள் கொண்டாடப்படுகிறது. புதுப்பானையில் பொங்கலிட்டு, சூரியனுக்கு நன்றி தெரிவித்து, விவசாயத்திற்குத் துணையாக இருக்கும் கால்நடைகளை வழிபட்டு மகிழும் இந்தத் திருவிழாவில் கரும்பு முக்கிய இடம் பிடிக்கிறது. வீடுகளிலும், பொங்கல் விழா நடைபெறும் இடங்களிலும் கரும்புகளை வைத்து வழிபடுவது தமிழர்களின் நீண்டகாலப் பாரம்பரியமாகத் தொடர்கிறது.

இதனால், பொங்கல் பண்டிகையை முன்னிட்டு கரும்புக்கான தேவை ஆண்டுதோறும் அதிகரிப்பது வழக்கம். பண்டிகைக் காலத்தில் கிடைக்கும் விற்பனை வருவாய், கரும்பு சாகுபடி செய்யும் விவசாயிகளுக்கு முக்கியமான வருமானமாக அமைகிறது. இதைக் கருத்தில் கொண்டு, திருச்சி மாவட்டத்தில் காவிரி மற்றும் கொள்ளிடம் ஆற்றங்கரையோரப் பகுதிகள் உள்ளிட்ட பல இடங்களில் விவசாயிகள் கரும்பு சாகுபடியில் ஈடுபட்டு வருகின்றனர்.

அந்த வகையில், திருவளர்ச்சோலை கிராமம் கரும்பு சாகுபடியில் முக்கியப் பகுதியாக விளங்கி வருகிறது. இப்பகுதியில் ஆண்டுதோறும் பொங்கல் பண்டிகையை இலக்காகக் கொண்டு கரும்பு பயிரிடப்படுகிறது. இந்த ஆண்டும் விவசாயிகள் ஆர்வத்துடன் சாகுபடிப் பணிகளை மேற்கொண்டுள்ளனர்.

ஆயிரம் ஏக்கருக்கு மேல் சாகுபடி

திருவளர்ச்சோலை பகுதியில் தலைமுறை தலைமுறையாக கரும்பு சாகுபடி செய்து வரும் விவசாயிகள், இந்த ஆண்டும் ஆயிரத்திற்கும் மேற்பட்ட ஏக்கர் பரப்பளவில் கரும்புகளைப் பயிரிட்டுள்ளனர். கரும்பு பயிருக்கு ஏற்ற மண் வளம், நீர்வளம் மற்றும் பருவநிலை ஆகியவை இப்பகுதியில் சாகுபடிக்கு ஆதரவாக உள்ளன.

சமீபத்தில் பெய்த பருவமழை, கரும்புப் பயிர்களின் வளர்ச்சிக்குச் சாதகமாக அமைந்துள்ளது. மண்ணில் ஈரப்பதம் அதிகரித்ததால், பயிர்கள் செழிப்பாக வளர்ந்து வருவதாக விவசாயிகள் நம்பிக்கை தெரிவிக்கின்றனர். தற்போதைய சீதோஷ்ண நிலையும் கரும்பின் வளர்ச்சிக்கு ஏற்ற வகையில் இருப்பதால், பச்சைப் பசேலென வளர்ந்துள்ள கரும்புத் தோட்டங்கள் விவசாயிகளுக்கு மகிழ்ச்சியை அளித்துள்ளன.

இருப்பினும், கரும்பு சாகுபடியில் நல்ல விளைச்சலைப் பெறுவதற்கு மழை மட்டும் போதுமானதல்ல. பயிர்களின் வளர்ச்சிக் கட்டத்துக்கு ஏற்ப உரமிடுதல், களை அகற்றுதல், நீர் மேலாண்மை மற்றும் பூச்சித் தாக்குதலைக் கட்டுப்படுத்துதல் உள்ளிட்ட பணிகளையும் முறையாக மேற்கொள்ள வேண்டியுள்ளது.

களையெடுப்பு, பூச்சித் தடுப்புப் பணிகள் தீவிரம்

கரும்புகள் நன்றாக வளர்ந்து வரும் நிலையில், வயல்களில் களைகள் அதிகரித்து பயிர்களின் வளர்ச்சியைப் பாதிக்காமல் இருக்க விவசாயிகள் களையெடுக்கும் பணியில் ஈடுபட்டுள்ளனர். அதேபோல், கரும்புகளைத் தாக்கக்கூடிய பூச்சிகளைக் கட்டுப்படுத்துவதற்காகத் தேவையான இடங்களில் பயிர்ப் பாதுகாப்பு மருந்துகளையும் தெளித்து வருகின்றனர்.

பொங்கல் பண்டிகைக்கு இன்னும் கால அவகாசம் இருப்பதால், பயிர்களைத் தொடர்ந்து கண்காணித்து உரிய பராமரிப்பை மேற்கொள்வது அவசியமாக உள்ளது. பயிர்கள் நல்ல உயரம் பெற்று, கரும்பின் தடிமன் மற்றும் இனிப்புத் தன்மை சிறப்பாக அமையும் வகையில் விவசாயிகள் கவனம் செலுத்தி வருகின்றனர்.

பருவமழை தொடர்ந்து சாதகமாக அமைந்து, நோய் மற்றும் பூச்சித் தாக்குதல்கள் கட்டுக்குள் இருந்தால் எதிர்பார்த்த விளைச்சலைப் பெற முடியும் என்ற நம்பிக்கை விவசாயிகளிடம் காணப்படுகிறது. அதே நேரத்தில், அறுவடை நேரத்தில் மழை, போக்குவரத்து மற்றும் சந்தை நிலவரம் உள்ளிட்ட காரணிகளும் விற்பனையைப் பாதிக்கக்கூடும் என்பதால் அவர்கள் தொடர்ந்து நிலைமையைக் கவனித்து வருகின்றனர்.

திருச்சியைத் தாண்டியும் செல்லும் திருவளர்ச்சோலை கரும்பு

திருவளர்ச்சோலை பகுதியில் அறுவடை செய்யப்படும் கரும்புகள் திருச்சி மாவட்டத்தின் பல்வேறு சந்தைகளுக்கு அனுப்பப்படுகின்றன. உள்ளூர் விற்பனையைக் கடந்து, தமிழகத்தின் பிற மாவட்டங்களுக்கும் இந்தப் பகுதியில் விளையும் கரும்புகள் கொண்டு செல்லப்படுகின்றன. இதனால், பொங்கல் பண்டிகைக் காலத்தில் திருவளர்ச்சோலை கரும்புகளுக்கு விற்பனை வாய்ப்பு கிடைக்கும் என விவசாயிகள் எதிர்பார்க்கின்றனர்.

பண்டிகை நெருங்கும் நேரத்தில் வியாபாரிகள் வயல்களுக்கு நேரடியாக வந்து கரும்புகளைப் பார்வையிட்டு கொள்முதல் செய்வதும், அறுவடை செய்யப்பட்ட கரும்புகளைச் சந்தைகளுக்கு அனுப்புவதும் விவசாயிகளின் வருமானத்தில் முக்கியப் பங்கு வகிக்கின்றன. ஆனால், விளைச்சல் நன்றாக இருந்தாலும் விற்பனை விலை எதிர்பார்த்த அளவுக்கு அமையாவிட்டால் விவசாயிகளின் லாபம் குறையும் அபாயம் உள்ளது.

கரும்பு சாகுபடிக்கான நிலத் தயாரிப்பு, விதைக் கரும்பு, உரம், தொழிலாளர் கூலி, களை எடுப்பு, பூச்சித் தடுப்பு மருந்துகள், அறுவடை மற்றும் போக்குவரத்து எனப் பல்வேறு செலவுகளை விவசாயிகள் எதிர்கொள்ள வேண்டியுள்ளது. எனவே, சந்தையில் கிடைக்கும் விலை மட்டுமின்றி, இந்தச் செலவுகளையும் கணக்கிட்ட பிறகே சாகுபடியின் உண்மையான லாபத்தை மதிப்பிட முடியும்.

நல்ல விலை கிடைக்குமா? விவசாயிகள் எதிர்பார்ப்பு

இந்த ஆண்டு பருவமழை சாதகமாக அமைந்துள்ளதாலும், கரும்புகள் செழிப்பாக வளர்ந்து வருவதாலும் பொங்கல் பண்டிகையின்போது நல்ல விளைச்சலும் விற்பனையும் கிடைக்கும் என விவசாயிகள் நம்புகின்றனர். ஆனால், கரும்புகளுக்கு என்ன விலை கிடைக்கும் என்பது சந்தைத் தேவை, வியாபாரிகளின் கொள்முதல், போக்குவரத்துச் செலவு மற்றும் பண்டிகைக் கால விற்பனை நிலவரம் ஆகியவற்றைப் பொறுத்தே அமையும்.

கரும்பு சாகுபடியில் விவசாயிகள் ஆண்டு முழுவதும் உழைக்கின்றனர். விதைப்பிலிருந்து அறுவடை வரை தொடர்ந்து செலவுகளைச் செய்த பிறகே வருமானம் கிடைக்கிறது. எனவே, விளைச்சல் நன்றாக இருப்பதுடன், விவசாயிகளுக்கு நியாயமான விலையும் கிடைப்பது அவசியமாகும்.

இடைத்தரகர்களின் தலையீட்டைத் தடுக்க வேண்டும்

கரும்பு சாகுபடி செய்யும் விவசாயிகள் முன்வைக்கும் முக்கியக் கோரிக்கைகளில் ஒன்று, இடைத்தரகர்களின் தலையீட்டைக் குறைத்து நேரடி விற்பனைக்கான வாய்ப்புகளை அதிகரிக்க வேண்டும் என்பதாகும். விவசாயிகள் தங்களுடைய கரும்புகளை விற்பனை செய்யும்போது, கொள்முதல் விலை வெளிப்படையாக நிர்ணயிக்கப்பட வேண்டும் என்றும், உற்பத்திச் செலவுகளுக்கு ஏற்ற நியாயமான விலை கிடைக்க நடவடிக்கை எடுக்க வேண்டும் என்றும் அவர்கள் வலியுறுத்துகின்றனர்.

அரசு உரிய ஆய்வு மேற்கொண்டு, சாத்தியமான இடங்களில் விவசாயிகளிடமிருந்து நேரடியாகக் கரும்புகளை வாங்குவதற்கான ஏற்பாடுகளைச் செய்ய வேண்டும் என்பதும் அவர்களின் கோரிக்கையாக உள்ளது. நேரடிக் கொள்முதல் மையங்கள் அல்லது விவசாயிகள், வியாபாரிகள் நேரடியாகப் பரிவர்த்தனை செய்யும் சந்தை வாய்ப்புகள் உருவாக்கப்பட்டால், தேவையற்ற இடைத்தரகர் செலவுகளைக் குறைக்க உதவலாம்.

மேலும், பொங்கல் பண்டிகையை முன்னிட்டு கரும்பின் தேவை அதிகரிக்கும் காலத்தில் விவசாயிகள் தங்களுடைய விளைபொருட்களை உரிய நேரத்தில் சந்தைக்குக் கொண்டு செல்லத் தேவையான போக்குவரத்து வசதிகளும், விற்பனைத் தகவல்களும் கிடைக்க நடவடிக்கை எடுக்க வேண்டும் என எதிர்பார்க்கப்படுகிறது.

மொத்தத்தில், திருவளர்ச்சோலையில் பருவமழை கைகொடுத்ததால் கரும்புத் தோட்டங்கள் செழிப்பாகக் காட்சியளிக்கின்றன. பசுமையாக வளர்ந்துள்ள கரும்புகள் விவசாயிகளிடம் நம்பிக்கையை ஏற்படுத்தியுள்ள நிலையில், அந்த நம்பிக்கை நல்ல விளைச்சலாக மட்டுமல்லாமல் நியாயமான விலையுடனான வருமானமாகவும் மாறுமா என்பதே தற்போது அவர்களின் எதிர்பார்ப்பாக உள்ளது.

திருவளர்ச்சோலை விவசாயிகளின் உழைப்புக்கு உரிய பலன் கிடைக்க, விளைச்சலுடன் விற்பனை விலையும் சாதகமாக அமைய வேண்டும் என்பதே அனைவரின் விருப்பமாகும்.

விவசாயிகள் கவனத்திற்கு: குறைந்த கட்டணத்தில் நெற்பயிர் காப்பீடு செய்வது எப்படி?

எஸ்.ஜெகநாதன், மயிலாடுதுறை — Wed, 28 Oct 2026 16:46:53 +0530

மயிலாடுதுறை: தமிழ்நாட்டில் விவசாயப் பெருமக்களின் நலனைக் காக்கும் பொருட்டு பல்வேறு திட்டங்கள் செயல்படுத்தப்பட்டு வரும் நிலையில், நடப்பாண்டில் திருத்தியமைக்கப்பட்ட பிரதம மந்திரி பயிர்க்காப்பீட்டுத் திட்டம் தீவிரமாக நடைமுறைப்படுத்தப்பட்டு வருகிறது.

இதன் தொடர்ச்சியாக, மயிலாடுதுறை மாவட்டத்தில் 2026-27 ஆம் ஆண்டுக்கான சம்பா மற்றும் சிறப்பு பருவ நெல் பயிர்களைப் பாதுகாக்க சிறப்பு ஏற்பாடுகள் செய்யப்பட்டுள்ளன. இயற்கை இடர்பாடுகள், பருவநிலை மாற்றங்கள் மற்றும் எதிர்பாராத பேரிடர்களால் விவசாயிகளுக்கு ஏற்படும் பொருளாதார இழப்புகளைத் தவிர்ப்பதற்காக இந்தத் திட்டம் அரணாக அமையும் என சொல்லப்பட்டுள்ளது.

மாவட்டத்தில் உள்ள விவசாயிகளின் வாழ்வாதாரத்தை மேம்படுத்தும் நோக்கில், மாநில அரசும் மாவட்ட நிர்வாகமும் இணைந்து விவசாயிகளுக்குத் தேவையான அனைத்து உதவிகளையும் துரிதமாக வழங்கி வருவதாகவும், இதன் ஒரு பகுதியாக, தற்போதைய பருவ சாகுபடியை முழுமையாகப் பாதுகாக்கும் வகையில் மாவட்ட நிர்வாகம் சார்பில் விரிவான அறிவுறுத்தல்கள் வழங்கப்பட்டுள்ளன.

காப்பீடு செயல்படுத்தும் முகமை மற்றும் அறிவிக்கப்பட்ட கிராமங்கள்

மயிலாடுதுறை மாவட்டத்தில் செயல்படுத்தப்படும் இத்திட்டமானது, விவசாயிகளுக்கு எளிய முறையில் பலன் கிடைக்கும் வகையில் அக்ரிகல்சுரல் இன்சூரன்ஸ் கம்பெனி லிமிடெட் என்ற காப்பீட்டு நிறுவனத்தின் மூலமாகச் செயல்படுத்தப்பட்டு வருகிறது. மாவட்டத்தில் உள்ள அனைத்துப் பகுதிகளிலும் உள்ள விவசாயிகளின் சாகுபடி முறைகளைக் கருத்தில் கொண்டு, சம்பா மற்றும் சிறப்பு பருவ நெற்பயிருக்காகத் பிரத்யேகமாக மொத்தம் 277 வருவாய் கிராமங்கள் முறைப்படி அறிவிக்கை செய்யப்பட்டுள்ளன.

இந்த அறிவிக்கப்பட்ட கிராமங்களில் உள்ள விவசாயிகள் தங்களது நிலங்களில் சாகுபடி செய்துள்ள நெற்பயிர்களை உரிய பாதுகாப்புக்குள் கொண்டுவருவதற்கான நடவடிக்கைகள் தற்போது தீவிரப்படுத்தப்பட்டுள்ளன. விவசாயிகள் எத்தகைய சிரமமுமின்றி இத்திட்டத்தின் கீழ் தங்களை இணைத்துக் கொள்ள ஏதுவாக, மாவட்டத்தின் பல்வேறு பகுதிகளிலும் உள்ள சேவை மையங்கள் முழு வீச்சில் செயல்படத் தொடங்கியுள்ளன.

காப்பீட்டுக் கட்டணம் மற்றும் காலக்கெடு விவரங்கள்

விவசாயிகள் தாங்கள் சாகுபடி செய்துள்ள பயிர்களுக்குக் காப்பீடு செய்ய நிர்ணயிக்கப்பட்ட காலக்கெடு மிகவும் அவசியமானதாகும். அதன்படி, வரும் நவம்பர் மாதம் 16 ஆம் தேதிக்குள் விவசாயிகள் தங்கள் விருப்பத்தின்பேரில் கட்டாயம் காப்பீடு செய்ய வேண்டும் என்று கேட்டுக்கொள்ளப்படுகிறார்கள். இத்திட்டத்தின் கீழ், ஒரு ஏக்கருக்கான காப்பீட்டுத் தொகை முப்பத்தெட்டாயிரத்து தொள்ளாயிரம் ரூபாயாக நிர்ணயிக்கப்பட்டுள்ளது.

இதில் விவசாயிகளின் சுமையைக் குறைக்கும் வகையில், அரசு மானியப் பகுதி போக மீதமுள்ள வெறும் 1.5 சதவீத தொகையான, ஏக்கருக்கு ஐந்நூற்று எண்பத்து மூன்று ரூபாய் ஐம்பது காசுகளை மட்டுமே விவசாயிகள் காப்பீட்டுக் கட்டணமாகச் செலுத்தினால் போதுமானது. இவ்வளவு குறைந்த கட்டணத்தில் ஏக்கருக்குக் கணிசமான பாதுகாப்புத் தொகை கிடைப்பதால், விவசாயிகள் இந்த வாய்ப்பைப் பயன்படுத்திக்கொள்ள வேண்டும் என அறிவுறுத்தப்பட்டுள்ளனர்.

பதிவு செய்யும் முறைகள் மற்றும் இடங்கள்

மயிலாடுதுறை மாவட்டத்தில் இதுவரை ஆயிரக்கணக்கான ஏக்கர் பரப்பளவிலான சம்பா நெற்பயிர்கள் வெற்றிகரமாகக் காப்பீடு செய்யப்பட்டுள்ளன. இந்த நிலையில், சம்பா மற்றும் சிறப்பு பருவ நெல் சாகுபடி மேற்கொள்ளும் அனைத்து விவசாயிகளும் தங்களது வசதிக்கேற்ப பதிவு செய்ய வழிவகை செய்யப்பட்டுள்ளது. வங்கிகளில் முறையே கடன் பெறும் விவசாயிகள் தாங்கள் பயிர்க்கடன் பெற்றுள்ள தொடக்க வேளாண்மை கூட்டுறவு கடன் சங்கங்கள் மூலமாகவோ அல்லது தேசியமயமாக்கப்பட்ட வங்கிகள் மூலமாகவோ காப்பீடு செய்து கொள்ளலாம். எந்தவிதக் கடனும் பெறாத இதர விவசாயிகள், பொது சேவை மையங்கள் எனப்படும் இ-சேவை மையங்கள் மூலமாகவும், அல்லது தேசிய பயிர் காப்பீட்டு இணையதளத்தில் அமைந்துள்ள விவாசாயிகள் கார்னர் முகவரியில் நேரடியாகத் தங்களது வீடுகளில் இருந்தபடியே இணைய வழியிலும் பதிவு செய்யும் வசதி ஏற்படுத்தப்பட்டுள்ளது. நிர்ணயிக்கப்பட்ட கெடுவுக்குள் விவசாயிகள் தாமதமின்றிப் பதிவு செய்து பயன்பெறலாம்.

சமர்ப்பிக்க வேண்டிய ஆவணங்களும், ஆட்சியரின் அறிவுறுத்தலும்

விவசாயிகள் இத்திட்டத்தின் கீழ் தங்களது பெயர்களைப் பதிவு செய்யும்போது சில முக்கியமான ஆவணங்களைச் சமர்ப்பிக்க வேண்டியது அவசியமாகும். குறிப்பாக, முன்மொழிவு விண்ணப்பம், முறையான பதிவு விண்ணப்பம், கிராம நிர்வாக அலுவலர் வழங்கும் நடப்பு பசலிக்கான அடங்கல் அல்லது இ-அடங்கல் சான்றிதழ், விவசாயியின் வங்கிக் கணக்கு புத்தகத்தின் முதல் பக்க நகல் மற்றும் உரிய அடையாள ஆவணம் ஆகியவற்றை இணைக்க வேண்டும். அதன்பின்னர், அதற்கான காப்பீட்டுக் கட்டணத்தைச் செலுத்தி, முறையான இரசீதைப் பொது சேவை மையங்கள், கூட்டுறவு சங்கங்கள் அல்லது வங்கிகளிடமிருந்து பெற்றுக்கொள்ள வேண்டும். விவசாயிகள் பணம் செலுத்தும் வேளையில், தாங்கள் சாகுபடி செய்துள்ள சரியான வருவாய் கிராமத்தின் பெயர் இணையத்தில் சரியாகப் பதிவேற்றம் செய்யப்பட்டுள்ளதா என்பதைத் துல்லியமாகச் சரிபார்த்துக் கொள்ள வேண்டும் என்று மாவட்ட ஆட்சியர் விவசாயிகளுக்குத் தன் வேண்டுகோளாக விடுத்துள்ளார்.

சர்க்கரை ஆலைகளுக்கு பதிவு செய்யாமல் கரும்பு வழங்கிய விவசாயிகளுக்கும் ஊக்கத்தொகை: அரசுக்கு வலியுறுத்தல்

என்.நாகராஜன் — Wed, 28 Oct 2026 13:34:03 +0530

தஞ்சாவூர்: பதிவு செய்யாமல் சர்க்கரை ஆலைகளுக்கு கரும்பு வழங்கிய விவசாயிகளுக்கும் ஊக்கத்தொகை வழங்க தமிழக அரசு நடவடிக்கை எடுக்க வேண்டும் என கோரிக்கை விடுக்கப்பட்டுள்ளது.

டெல்டா மாவட்டங்களில் நெல் சாகுபடிக்கு அடுத்தபடியாக கரும்பு முக்கியான பணப்பயிர் ராக விளங்கி வருகிறது. தஞ்சை, திருவாரூர், நாகப்பட்டினம், மயிலாடுதுறை உள்பட டெல்டா பகுதியில் சாகுபடி செய்யப்படும் கரும்புகள் இப்பகுதியில் உள்ள சர்க்கரை ஆலைகளுக்கு முக்கிய மூலப்பொருளாக உள்ளன. கரும்பு சாகுபடியை தொடர்ந்து மேற்கொள்ள வேண்டுமானால், விவசாயிகளுக்கு கட்டுப்படியான விலை கிடைக்க வேண்டும். தற்போது கரும்பு டன்னுக்கு ரூ.4 ஆயிரம் வரை விலை கிடைக்கும் வகையில் அரசு ஊக்கத்தொகையுடன் விலை நிர்ணயம் செய்யப்பட்டுள்ளது.

அதாவது 2025-26-ம் ஆண்டு அரவைப்பருவத்தில் சர்க்கரை ஆலைகளுக்கு கரும்பு வழங்கிய விவசாயிகளுக்கு ஊக்கத்தொகையாக டன் ஒன்றிற்கு ரூ.709.50 வழங்குவதற்காக ரூ.603.34 கோடி நிதியை மாநில நிதியில் இருந்து வழங்கி தமிழ்நாடு அரசு ஆணையிட்டுள்ளது. மொத்தம் 29 சர்க்கரை ஆலைகளில் 9.5 சதவீத சர்க்கரை கூட்டுமானத்திற்கு மத்திய அரசு நிர்ணயித்துள்ள நியாயமான மற்றும் ஆதரய விலையான ரூ.3,290.50 மற்றும் மாநில அரசின் சிறப்பு ஊக்கத்தொகையான ரூ.709.50யும் சேர்த்து, டன் ஒன்றிற்கு ரூ.4 ஆயிரம் கிடைப்பது உறுதி செய்யப்பட்டுள்ளது.

அதன்படி, கடந்த ஆண்டு அக்டோபர் 1ம் தேதி முதல் இந்த ஆண்டு செப்டம்பர் 30ம் தேதி வரை சர்க்கரை ஆலைகளுக்கு கரும்பு வழங்கிய விவசாயிகளின் கரும்புடமை, ஆதார் எண், வங்கி கணக்கு போன்ற விவரங்கள் சேகரிக்கப்பட்டு வருகிறது. இந்த ஊக்கத்தொகை சர்க்கரை ஆலைகளில் பதிவு செய்து கரும்பு வழங்கிய விவசாயிகளுக்கு மட்டுமே வழங்கப்படும். முறையான சர்க்கரை ஆலைகளில் பதிவு செய்து கரும்பு வழங்குவோருக்கு மட்டுமே தமிழக அரசு வழங்கும் சிறப்பு ஊக்கத்தொகை மற்றும் அரசின் சலுகைகள் கிடைக்கும் என்பதால் பதிவு செய்யாமல் கரும்பு வழங்கிய விவசாயிகளுக்கு இந்த ஊக்கத்தொகை கிடைக்காது. ஆனால் அந்த விவசாயிகளும் கரும்புகளைத் தான் சாகுபடி செய்கின்றனர்.

எனவே பதிவு செய்யாமல் அரவைக்கு கரும்பு வழங்கிய விவசாயிகளுக்கும் ஊக்கத்தொகையை தமிழக அரசு வழங்க வேண்டும். அதுவும் கரும்பு விவசாயிகளின் வங்கி கணக்கில் நேரடியாக வரவு வைக்க வேண்டும்.

இதுகுறித்து கரும்பு விவசாயிகள் தரப்பில் கூறியதாவது: தமிழக அரசு அறிவித்துள்ள கரும்புக்கான ஊக்கத்தொகை கரும்பு சாகுபடி செய்யும் விவசாயிகள் அனைவரையும் தருவதில்லை. பதிவு செய்யாத விவசாயிகளிடம் இருந்து அரசு சர்க்கரை ஆலைகள், கூட்டுறவு சர்க்கரை ஆலைகள், பொதுத்துறை ஆலைகள், தனியார் சர்க்கரை ஆலைகள் கரும்புகளை வாங்குகின்றன.

கூட்டுறவு, தனியார் வங்கிகளில் கரும்புகளை பதிவு செய்யாத விவசாயிகளுக்கு கடன் தருவதில்லை. தனியாரிடம் அதிக வட்டிக்கு கடன் வாங்கிதான் விவசாயிகள் கரும்பு சாகுபடி செய்கின்றனர். 2025-26-ம் ஆண்டு அரவைப் பருவத்தில் சுமார் 89 லட்சம் டன் கரும்பு அரவை செய்யப்பட்டுள்ளது. இதில் பதிவு செய்யாத விவசாயிகளிடம் இருந்து பெறப்பட்ட சுமார் 9 லட்சம் டன் கரும்பு அரவை செய்யப்பட்டுள்ளது.

பதிவு செய்யாமல் கரும்புகளை அரவைக்கு அனுப்பிய விவசாயிகளுக்கும் ஊக்கத்தொகை கொடுத்தால் சுமார் 16 ஆயிரம் முதல் 20 ஆயிரம் பேர் பயனடைவார்கள். பதிவு செய்து கரும்பு அரவைக்கு அனுப்பி விவசாயிகளுக்கு தீபாவளிக்குள் ஊக்கத்தொகை வழங்க வேண்டும் என்று தெரிவித்தனர்.

ஹிட் அடிக்கும் வெங்காயம் விலை... ஒரு கிலோ சின்ன வெங்காயம் விலை தெரிந்தா அதிர்ந்து போவீங்க !

அருண் சின்னதுரை — Tue, 27 Oct 2026 09:42:10 +0530

மதுரை மாட்டுத்தாவணி காய்கறி மார்கெட்டில் இன்றைய விலை நிலவரம் குறித்து காணலாம்.

காய்கறி விலை நிலவரம்

மதுரை மாட்டுத்தாவணி எம்.ஜி.ஆர்., ஒருங்கிணைந்த காய்கறி சந்தையில் நாள்தோறும் ஆயிரக்கணக்கான நபர்கள் வந்து செல்கின்றனர். மதுரையை சுற்றியுள்ள மாவட்ட மக்கள் விற்பனைக்காகவும் மற்றும் விஷேச நாட்களில் அதிகளவு காய்கறிகளை வாங்கிச் செல்கின்றனர். இந்நிலையில் மதுரை மாட்டுத்தாவணி காய்கறி மார்கெட்டில் இன்று (27.10.2026) விலைநிலவரம் குறித்து காணலாம்.

காய்கறி நிலவரம்

1. கத்திரிக்காய் கிலோ ரூபாய் 40 முதல் 50 ரூபாய் வரை,

2. கம்மா கத்திரி கிலோ ரூபாய் 40, முதல் 50 ரூபாய் வரை,

3. வெண்டைக்க, கிலோ ரூபாய் 30, முதல் 40 ரூபாய் வரை,

4. பாவக்கா கிலோ ரூபாய் 50, முதல் 60 ரூபாய் வரை,

5. புடலங்காய் கிலோ ரூபாய் 30, முதல் 40 ரூபாய் வரை,

6. உருட்டு மிளகாய் கிலோ ரூபாய் 40, முதல் 50 ரூபாய் வரை,

7. சம்பா மிளகாய் கிலோ ரூபாய் 50, முதல் 60 ரூபாய் வரை,

8. சீனிவரக்காகிலோ ரூபாய் 20, முதல் 30 ரூபாய் வரை,

9. பீர்க்கங்காய் கிலோ ரூபாய் 40, முதல் 60 ரூபாய் வரை,

10. சுரக்காய் கிலோ ரூபாய் 10, முதல் 30 ரூபாய் வரை,

11. முருங்கை பீன்ஸ் கிலோ ரூபாய் 80, முதல் 120 ரூபாய் வரை,

12. ரிங் பீன்ஸ கிலோ ரூபாய் 70, முதல் 100 ரூபாய் வரை,

13. நைஸ் அவரை கிலோ ரூபாய் 60, முதல் 80 ரூபாய் வரை,

14. பெல்ட் அவரை கிலோ ரூபாய் 70, முதல் 80 ரூபாய் வரை,

15. பட்டை அவரை கிலோ ரூபாய் 100, முதல் 120 ரூபாய் வரை,

16. நாட்டு வெங்காயம் கிலோ ரூபாய் 90, முதல் 150 ரூபாய் வரை,

17. ஒட்டு வெங்காயம் வரவு இல்லை

18. பல்லாரிகிலோ ரூபாய் 40, முதல் 70 ரூபாய் வரை,

19. மாங்கா கல்லாமை, கிலோ ரூபாய் 80, 90 ரூபாய் வரை,

20. மாங்கா நாடு கிலோ ரூபாய் 60, 70

21. உருளை கிலோ ரூபாய் 20, முதல் 65 ரூபாய் வரை,

22. மு கோஸ் கிலோ ரூபாய் 20, 25 வரை,

23. கேரட், கிலோ ரூபாய் 20, முதல் 40 ரூபாய் வரை,

24. பட்டானி கிலோ ரூபாய் 230, முதல் 250 ரூபாய் வரை,

25. பட்டர் பீன்ஸ் கிலோ ரூபாய் 120, முதல் 150 ரூபாய் வரை,

26. முள்ளங்கி கிலோ ரூபாய் 30, முதல் 40 ரூபாய் வரை,

27. பீட்ருட் கிலோ ரூபாய் 20, முதல் 30 ரூபாய் வரை,

28. சோயா பீன்ஸ் கிலோ ரூபாய் 100, முதல் 120 ரூபாய் வரை,

29. நெல்லிக்காய் கிலோ ரூபாய் 50, முதல் 60 ரூபாய் வரை,

30. கருவேப்பிலை கட்டு 40, முதல் 50 ரூபாய் வரை,

31. மல்லி கிலோ ரூபாய் 150,

32. புதினா கிலோ ரூபாய் 40

33. இஞ்சி கிலோ ரூபாய் 80, முதல் 180 ரூபாய் வரை,

34. தக்காளி பெட்டி 15 கிலோ எடை கொண்ட விலை 400, 500

35. சில்லறை விலையில் ஒரு கிலோ தக்காளி ரூபாய் 40, 50 ரூபாய் வரை.

36. சின்ன வெங்கேயம் - நல்ல ரகம் கிலோ 150

37. பெரிய வெங்கயம் - கிலோ ரூபாய் 30, முதல் 40, 55, 70, 80ரூபாய் வரை செல்கிறது.

இன்று நட்டால் நாளை லட்சங்களில் வருமானம்! விவசாயிகளின் கூடுதல் வருமானத்திற்கு கைகொடுக்கும் தேக்கு மரம்

என்.நாகராஜன் — Sun, 25 Oct 2026 16:57:26 +0530

தஞ்சாவூர்: விவசாயிகளின் கூடுதல் வருமானத்திற்கு தேக்கு மரம் அபரிமிதமான உதவி செய்கிறது. இன்று சாகுபடி செய்யப்படும் மரங்கள் வரும் காலத்தில் லட்சங்களில் அபரிமிதமான வருமானத்தை அளிக்கும்.

தெய்வத்தால் ஆகாது எனினும் தேக்கு தன் வளர்ப்புக்கு ஏற்ப காசு தரும் என்று விவசாயிகள் உள்ளம் குளிர வருமானத்தை அள்ளித்தரும். வேளாண்மையுடன் மரங்களை நடுவது வேளாண் காடுகள் எனவும், சில்விகல்சர் எனவும் அழைக்கப்படுகிறது. இதனால் காற்று மாசுபடுவது தடுக்கப்படுகிறது.

மக்கள் தொகை அதிகரிப்பதன் மூலமாக மூலப்பொருட்களின் தேவையும் அதிகரிக்கிறது. எனவே மண் வளம் அதிகம் உள்ள காவிரி டெல்டா பாசனப்பகுதியில் வாய்ப்புள்ள இடங்களில் தேக்கு மரங்களை பயிர் செய்ய விவசாயிகள் ஆர்வம் காட்ட வேண்டும் என வேளாண்துறையினர் ஆலோசனை வழங்கி உள்ளனர்.

மரம் வளர்ப்பதன் மூலம் மனிதன் வெளிவிடும் கரியமில வாயுவினை உட்கொண்டு மனித குலம் வாழ தேவையான பிராண வாயுவினை வெளியிடுகிறது. இதன் மூலம் காற்றை சுத்தப்படுத்தும் கருவியாக மரம் செயல்படுகிறது. விவசாய நிலங்களில் காற்றின் வேகத்தை கட்டுப்படுத்தும் கருவியாகும், மரங்கள் செயல்பட்டு மழை பெய்ய வைக்கும் மந்திரவாதியாகவும் உள்ளது என்றால் மிகை இல்லை.

கூடுதலாக மண்வளம் காக்கவும், காற்றில் ஈரப்பதத்தை காக்கவும், ஆரோக்கியமான தட்பவெட்ப நிலையை நிலை நிறுத்தவும் மரங்கள் பயன்படுகிறது. மரம் வளர்ப்பவர்களுக்கு கரம் வளர்க்கும் கடின மரம் தேக்கு என்றால் மிகையாகாது.

தேக்கு மரத்தின் விஞ்ஞான பெயர் டெக்டோனியா கிராண்டிஸ். இது வெர்பனேசியே குடும்பத்தை சேர்ந்தது. தரைமட்டத்தில் இருந்து 1200 மீட்டர் உயரம் வரை வளரும் தன்மை கொண்டது. வருடத்திற்கு ஆயிரம் முதல் 5000 மில்லி மீட்டர் வரை மழை பொழியக்கூடிய இடங்களில் வேகமாக வளரும். ஆழமான மண் வகை கொண்ட செழிப்பான மண்படுகைகளில் மளமளவென வளரும்.

காவிரி டெல்டா பகுதியான நீடாமங்கலம் அருகில் மூணாறு தலைப்பில் முதன்முதலாக நடப்பட்ட தேக்கு மரம் இன்றும் காட்சியளித்துக் கொண்டு உள்ளதை பார்க்கலாம். ஜனவரி முதல் ஏப்ரல் வரை பூப்பூத்து மே முதல் ஜூலை வரை விதைகளை தரக்கூடியது. மேட்டுப்பாத்தியில் விதைத்து ஒருநாள் ஈரமாகவும், மறுநாள் காய்ந்தும் 14 நாட்கள் தொடர்ந்து இருக்குமாறு பார்த்துக் கொள்ள வேண்டும். விதைகள் மூன்றாவது வாரத்தில் முளைக்கத் துவங்கும். 12 மாத கன்றினை எடுத்து நடவு செய்யலாம்.

தண்டுப்பகுதி 2.5 சென்டிமீட்டர் நீளம் வைத்து வெட்டி விட வேண்டும். கிழங்கு மற்றும் வேர்ப்பகுதி 22.5 சென்டிமீட்டர் இருக்க வேண்டும். ஒரு அடி ஆழம், ஒரு அடி அகலம், ஒரு அடி நீளம் குழி எடுத்து இரண்டு மீட்டருக்கு இரண்டு மீட்டர் இடைவெளி விட்டு நடவு செய்ய வேண்டும். ஒரு குழிக்கு இரண்டு கிலோ தொழு உரம் மற்றும் 100 கிராம் டிஏபி கலங்து இட வேண்டும். நடவு செய்ய செப்டம்பர், அக்டோபர் மாதம் சிறந்தது.

தேக்கிற்கு ஏழு முதல் பத்து நாட்கள் இடைவெளியில் ஈரப்பதத்திற்கு ஏற்ப நீர் பாய்ச்ச வேண்டும். விரைவான வளர்ச்சிக்கு சொட்டுநீர் பாசனம் சிறந்தது. மூன்று மாதத்தில் களை எடுக்க வேண்டும். ஆறு மாசத்துக்கு ஒரு முறை கட்டாயம் கவாத்து செய்ய வேண்டும். 4,8,12, 18, 26, 36 ஆண்டுகளில் இடைவெளியை களைய வேண்டும். சாதாரணமாக ஒரு ஆண்டில் வேகமாக வளரும். நல்ல பாசனம் உள்ள இடங்களில் 20 ஆண்டுகள் வரையிலும், வயல் வரப்புகளில் 15 ஆண்டுகள் வரை வளர்க்கலாம்.

தேக்கு மரம் மிகவும் அழுத்தமான மர வகையை சேர்ந்தது. இதன் அடர்த்தி 60 கிலோ- மீ3. இதனால் தொழிற்சாலைகளிலும், வீட்டு உபயோக பொருட்களிலும் பயன்படுத்தப்படுகிறது. அபரிமிதமான ஆதாயத்தை பெற வீடுகள், வயல்கள், வீதிகள் தோறும் தேக்கு மரத்தை நடுவோம். தேச வளர்ச்சிக்கு தோள் கொடுப்போம்.

மதுரை மாட்டுத்தாவணி காய்கறி இன்றைய (25.10.2026) விலை: தக்காளி, வெங்காயம் நிலவரம் என்ன?

அருண் சின்னதுரை — Sun, 25 Oct 2026 11:32:40 +0530

மதுரை மாட்டுத்தாவணி ஒருங்கிணைந்த காய்கறி மார்கெட்டிற்கு தினமும் ஆயிரக்கணக்கான நபர்கள் வந்து செல்கின்றனர்.

மதுரை மாட்டுத்தாவணி காய்கறி மார்கெட்

மதுரையை சுற்றியுள்ள மாவட்ட மக்கள் விற்பனைக்காகவும் மற்றும் விஷேச நாட்களில் அதிகளவு காய்கறிகளை வாங்கிச் செல்கின்றனர். இந்நிலையில் மதுரை மாட்டுத்தாவணி காய்கறி மார்கெட்டில் இன்று (25.10.2026) விலைநிலவரம் குறித்து காணலாம்.

காய்கறி விலை நிலவரம்

1. கத்திரிக்காய் கிலோ ரூபாய் 20 முதல் 50 ரூபாய் வரை,

2. கம்மா கத்திரி கிலோ ரூபாய் 40, முதல் 60 ரூபாய் வரை,

3. வெண்டைக்காய் கிலோ ரூபாய் 20, முதல் 30 ரூபாய் வரை,

4. பாகற்காய் கிலோ ரூபாய் 50, முதல் 60 ரூபாய் வரை,

5. புடலங்காய் கிலோ ரூபாய் 30, முதல் 40 ரூபாய் வரை,

6. உருட்டு மிளகாய் கிலோ ரூபாய் 20, முதல் 30 ரூபாய் வரை,

7. சம்பா மிளகாய் கிலோ ரூபாய் 35, முதல் 500 ரூபாய் வரை,

8. சீனிவரக்காய் கிலோ ரூபாய் 20, முதல் 30 ரூபாய் வரை,

9. பீர்க்கங்காய் கிலோ ரூபாய் 50, முதல் 60 ரூபாய் வரை,

10. சுரைக்காய் கிலோ ரூபாய் 10, முதல் 30 ரூபாய் வரை,

11. முருங்கை கிலோ ரூபாய் பீன்ஸ் 50, முதல் 70 ரூபாய் வரை,

12. ரிங் பீன்ஸ கிலோ ரூபாய் 60, முதல் 80 ரூபாய் வரை,

13. நைஸ் அவரை கிலோ ரூபாய் 40, முதல் 50 ரூபாய் வரை,

14. பெல்ட் அவரை கிலோ ரூபாய் 60 , முதல் 70 ரூபாய் வரை,

15. பட்டை அவரை கிலோ ரூபாய் 60, முதல் 80 ரூபாய் வரை,

16. நாட்டு வெங்காயம் கிலோ ரூபாய் 90, முதல் 120 ரூபாய் வரை,

17. ஒட்டு வெங்காயம் வரவு இல்லை

18. பல்லாரிகிலோ ரூபாய் 40, முதல் 70 ரூபாய் வரை,

19. மாங்கா கல்லாமை, கிலோ ரூபாய் 100, 120 ரூபாய் வரை,

20. மாங்கா நாடு கிலோ ரூபாய் 60, 70

21. உருளை கிலோ ரூபாய் 20, முதல் 65 ரூபாய் வரை,

22. மு கோஸ் கிலோ ரூபாய் 20, 25 வரை,

23. கேரட், கிலோ ரூபாய் 20, முதல் 40 ரூபாய் வரை,

24. பட்டானி கிலோ ரூபாய் 230, முதல் 250 ரூபாய் வரை,

25. பட்டர் பீன்ஸ் கிலோ ரூபாய் 100, முதல் 150 ரூபாய் வரை,

26. முள்ளங்கி கிலோ ரூபாய் 30, முதல் 40 ரூபாய் வரை,

27. பீட்ருட் கிலோ ரூபாய் 40, முதல் 60 ரூபாய் வரை,

28. சோயா பீன்ஸ் கிலோ ரூபாய் 60, முதல் 100 ரூபாய் வரை,

29. நெல்லிக்காய் கிலோ ரூபாய் 30, முதல் 40 ரூபாய் வரை,

30. கருவேப்பிலை கட்டு 40, முதல் 50 ரூபாய் வரை,

31. மல்லி கிலோ ரூபாய் 70,

32. புதினா கிலோ ரூபாய் 50

33. இஞ்சி கிலோ ரூபாய் 80, முதல் 180 ரூபாய் வரை,

34. தக்காளி பெட்டி 15 கிலோ எடை கொண்ட விலை 200, 350

35. சில்லறை விலையில் ஒரு கிலோ தக்காளி ரூபாய் 20, 40 ரூபாய் வரை.

காட்டுப் பன்றிகளால் சம்பா சாகுபடிக்கு பாதிப்பு! விவசாயிகள் வேதனை – உடனடி நடவடிக்கை எடுக்க வலியுறுத்தல்

என்.நாகராஜன் — Sun, 25 Oct 2026 11:32:36 +0530

தஞ்சாவூர்: காட்டுப் பன்றிகளால் சம்பா நாற்றங்கால் மற்றும் சாகுபடி பயிர்கள் பாதிக்கப்படுகின்றன. இது குறித்து உடன் நடவடிக்கை எடுக்க வேண்டும் என குறைதீர் கூட்டத்தில் விவசாயிகள் வலியுறுத்தினர்.

தஞ்சாவூர் கோட்டாட்சியர் அலுவலகத்தில் கோட்ட அளவிலான விவசாயிகள் குறைதீர் கூட்டம் நடந்தது. கோட்டாட்சியர் நித்யா தலைமை வகித்தார். இதில் விவசாயிகள் பேசியதாவது:

தோழகிரிப்பட்டி கோவிந்தராஜ்: தமிழக முதல்வர் தேர்தல் வாக்குறுதியில் கூறியபடி சிறு,குறு விவசாயிகளுக்கான முழுமையான விவசாய கடன் தள்ளுபடி, பெரிய விவசாயிகளுக்கு 50% தள்ளுபடி ஆகியவற்றை நிறைவேற்றாமல் ஏமாற்றியது கண்டனத்திற்குரியது. கரும்பு விவசாயிகளுக்கு சிறப்பு ஊக்கத்தொகையாக டன் ஒன்றுக்கு அறிவிக்கப்பட்ட ரூ.709 தொகையை அவர்களின் வங்கி கணக்கில் வரவு வைக்க வேண்டும். நடப்பாண்டு குறுவை சாகுபடி பொய்த்து விட்டது. சம்பா சாகுபடியும் கேள்விக்குறியாகி உள்ளது. எனவே டெல்டா மாவட்டத்தை வறட்சி பாதிக்கப்பட்ட மாவட்டமாக அறிவித்து விவசாயிகள் வங்கி கணக்கில் ஏக்கருக்கு ரூ.35 ஆயிரம் வழங்க வேண்டும்.

கார்த்திகை பட்டம் கடலை சாகுபடிக்கு உகந்ததாக இருப்பதால் விவசாயிகளுக்கு மானிய விலையில் அரசு வேளாண் டெபோக்களில் விதை கடலை தயார் நிலையில் வைத்து வழங்க வேண்டும் காட்டுப்பன்றிகள் தொல்லை அதிகளவில் உள்ளது. இதுகுறித்து உரிய நடவடிக்கை எடுக்க வேண்டும்.

பெரமூர் அறிவழகன்: ஆழ்குழாய் பாசனம் மற்றும் சம்பா நடவு செய்துள்ள விவசாயிகளுக்கு சம்பா சிறப்பு தொகுப்பு வழங்க வேண்டும். பெரமூர் பஞ்சாயத்தில் உள்ள அனைத்து கிராமங்களிலும் குடிநீர் குழாய்களை மாற்றி புதிய குழாய்கள் மூலம் சுத்தமான குடிநீர் வழங்க வேண்டும். வைரவன் கோயிலில் இருந்து அணைக்கொடி வரை சாலையில் மின்விளக்கு அமைக்க வேண்டும். திருவையாறு துணை மின் நிலைய பணிகள் நடைபெறாமல் இருப்பதை விரைந்து முடிக்க வேண்டும். வேளாண் பொறியியல் துறை மூலம் திருவையாறு பகுதிக்கு உலர் களம் கூடுதலாக ஒதுக்க வேண்டும். விவசாய பணிக்கு குறிப்பாக களை எடுக்கும் பணிக்கு 125 நாள் பணியாளர்களை பயன்படுத்த அனுமதிக்க வேண்டும்.

பஞ்சாபகேசன்: சாகுபடி வயல்களில் காட்டுப்பன்றிகள் இறங்கி அனைத்து பயிர்களையும் சேதப்படுத்தி வருகிறது. முன்பு காட்டு பன்றிகளை பிடிப்பதற்காக திருச்சியிலிருந்து வேட்டை நாய்களுடன் ஒரு குழுவினர் வருவார்கள். அந்த வேட்டை நாய்கள் காட்டுப்பன்றிகளை கடிக்காது. ஆனால் மடக்கி பிடிக்கும். இருப்பினும் காட்டு பன்றிகளை வேட்டையாடக்கூடாது என்பதால் அந்த குழுவினரை வனத்துறையினர் கைது செய்ததால் அவர்கள் வருவதில்லை. அவர்களை கைது செய்யாமல் வேட்டை நாய்களை வைத்து காட்டு பன்றிகளை பிடிக்க அனுமதி அளிக்க வேண்டும்.

கோட்டாட்சியர் நித்யா: காட்டுப்பன்றிகள் எந்தெந்த இடங்களில் பாதிப்பை ஏற்படுத்துகின்றன என்பது குறித்து தகவல் கொடுங்கள். வனத்துறையினருக்கும் தகவல் கொடுங்கள்.

பழனியப்பன்: தஞ்சாவூர், பூதலூர். திருவையாறு, ஒரத்தநாடு தாலுகாக்களை வறட்சி பாதித்த பகுதியாக அறிவிக்க வேண்டும் ஆற்றில் தண்ணீர் இல்லாததால் தினமும் 20 மணி நேரம் மும்முனை மின்சாரம் வழங்க வேண்டும். அனைத்து விவசாயிகளுக்கும் ஏக்கர் ஒன்றுக்கு ரூ.35 ஆயிரம் வரை இழப்பீடு வழங்க வேண்டும்.

ஏகேஆர்.ரவிச்சந்தர்: விவசாயிகளின் பயிர் கடன்களை முழுமையாக தள்ளுபடி செய்ய வேண்டும். குறுவை சாகுபடியை முற்றிலும் இழந்து சம்பா சாகுபடி செய்யாமல் பொருளாதார நிலையில் மிகவும் பின்தங்கி உள்ள விவசாயிகளுக்கு ஏக்கருக்கு பத்தாயிரம் ரூபாய் கவுரவ நிதி உதவி வழங்க வேண்டும். ஆழ்குழாய் கிணறு மூலம் சம்பா சாகுபடி செய்ய நாற்றங்கால் அமைக்கப்பட்ட பல இடங்களில் காட்டுப்பன்றிகள் தொடர்ந்து சேதப்படுத்தி வருகிறது. குறிப்பாக அம்மையகரம் அருகே அள்ளூர் கிராமத்தில் சம்பா நாற்றங்காலை காட்டுப்பன்றிகள் தொடர்ந்து சேதப்படுத்துகிறது. இதை ஆய்வு செய்து உரிய நடவடிக்கை எடுக்க வேண்டும். சம்பா தொகுப்பு திட்டம் வழங்க வேண்டும்.

ராயமுண்டான்பட்டி வெ.ஜீவக்குமார்:- குறுவை சாகுபடி பொய்த்து போனது. கட்டளை மேட்டு வாய்க்காலுக்கு தண்ணீர் ஒரு சொட்டு கூட வரவில்லை. உய்யக்குண்டானுக்கு தண்ணீர் தருவதை நிறுத்தி விட்டனர். மாநிலமெங்கும் பல பகுதிகளில் இதுவே நிலை .கைப்புண்ணிற்கு கண்ணாடி தேவை இல்லை. வறட்சி பாதித்துள்ளது. முன்கூட்டியே கர்நாடக அரசு வறட்சி பாதிப்பு என பல தாலுகாக்களை அறிவித்து உச்சநீதிமன்றத்தில் பட்டியல் தந்துள்ளது. தமிழக அரசு வறட்சி பாதிப்பை அறிவித்து நிவாரண நடவடிக்கைகளை மேற்கொள்ள வேண்டும்.

சம்பா சாகுபடி ஒரு சில பகுதிகளில் இப்போதுதான் துவங்கி உள்ளது. தீபாவளி பண்டிகைக்கும் சில நாட்களே இடையில் உள்ளன. பயிர் காப்பீடு செய்ய அவகாசம் போதாது. நவம்பர் 15 என்ற தேதியை கடந்த ஆண்டு போல காலநீடிப்பு செய்ய வேண்டும். பூதலூர் வட்டம் செம்பியன்கிளரி, உஞ்சனி பகுதிகளில் ஆழ்குழாய் கிணற்று பாசனம் என பயிர்காப்பீட்டில் பிரச்சினை உள்ளது. இதை சரி செய்ய வேண்டும். தக்கல் முறையில் பதிவு செய்த விவசாயிகளுக்கு மின் இணைப்பு உடனே கிடைக்க செய்ய வேண்டும். ரூ.30-க்கு ஒரு கிலோ அரிசியை எல்லா ரேஷன் கடைகளிலும் கிடைக்க செய்ய வேண்டும்.

வெள்ளம்பெரம்பூர் துரை.ரமேஷ்:- பூதலூர் அருகே ஆச்சாம்பட்டியில் உள்ள பொல்லான் ஏரி நீர்வழிப்பாதை ஆக்கிரமிப்பில் இருக்கிறது. இதனால் ஏரிக்கான நீர்வரத்து பாதிக்கப்பட்டுள்ளது. விவசாயிகளும் இதனால் பாதிக்கப்பட்டு வருகின்றனர். எனவே ஏரியில் ஆக்கிரமிப்பை அகற்றி நீர்வழிப்பாதையை தூர்வார வேண்டும். இவ்வாறு விவசாயிகள், விவசாய சங்க பிரதிநிதிகள் தங்கள் கருத்துக்களை தெரிவித்தனர்

விவசாயிகளுக்கு ஹேப்பி நியூஸ்.. 50,000 புதிய மின் இணைப்புகள்.. யாருக்கு எவ்வளவு ஒதுக்கீடு?

வினோத்குமார் — Sat, 24 Oct 2026 18:19:09 +0530

தமிழ்நாடு சட்டப்பேரவையின் பட்ஜெட் கூட்டத்தொடரின் போது எரிசக்தித்துறை மீதான மானியக் கோரிக்கைகள் விவாதம் நடைபெற்றது. அப்போது எரிசக்தித் துறைக்கான 17 புதிய அறிவிப்புகளை அமைச்சர் சி.டி.ஆர்.நிர்மல்குமார் அறிவித்திருந்தார். குறிப்பாக 2026-2027-ம் ஆண்டில் தமிழ்நாடு மின் பகிர்மானக் கழகத்தால் 50,000 புதிய விவசாய மின் இணைப்புகள் வழங்கப்படும். நீட்டிப்பு அல்லது மேம்பாட்டு பணி தேவையில்லாத ஒருமுனை வீட்டு மின் இணைப்புகள், கள ஆய்வின்றி சுய-உறுதிமொழி அடிப்படையில் வழங்கப்படும். இதன் மூலம் புதிய மின் இணைப்பு பெறும் நடைமுறை எளிமைப்படுத்தப்படும் என தெரிவித்திருந்தார்.

அரசாணை வெளியீடு

இந்நிலையில் விவசாயிகளுக்கு புதிதாக 50,000 மின் இணைப்புகள் வழங்க தமிழ்நாடு அரசு அரசாணை வெளியிட்டுள்ளது. குறிப்பாக மின் இணைப்புக்கான ரூ.127.56 கோடி கட்டணத்தை தமிழ்நாடு அரசே ஏற்றுக்கொள்ளும் என தெரிவிக்கப்பட்டுள்ளது. அதாவது, ஒரு இணைப்புக்கு சராசரியாக 6.5 குதிரைத்திறன் கணக்கில், குதிரைத்திறன் ஒன்றுக்கு ஆண்டிற்கு ரூ. 3,925 வீதம் கணக்கிடப்பட்டு, இந்த முழுத் தொகையையும் அரசே மானியமாக மின் பகிர்மானக் கழகத்திற்கு நேரடியாக வழங்கும்.

இதையும் படிங்க: அள்ளிக்கொடுக்கும் தமிழக அரசு! ஆசிரியர்கள், அரசு ஊழியர்களுக்கு வெளியான ஜாக்பாட் அறிவிப்பு!

அதேபோல், ஒரு புதிய விவசாய மின் இணைப்பை ஏற்படுத்த தோராயமாக ரூ.1.5 லட்சம் செலவாகும் நிலையில், மொத்தமுள்ள 50,000 இணைப்புகளுக்கான இந்த ரூ.750 கோடி செலவை தமிழ்நாடு மின் பகிர்மானக் கழகமே முழுமையாக ஏற்கவுள்ளது.

50,000 இணைப்பு யார் யாருக்கு?

* சாதாரணப் பிரிவு (இலவசம்):

பொதுவான காத்திருப்போர் பட்டியலில் இருந்து சுமார் 16,785 விவசாயிகளுக்கு இந்த முறையில் முற்றிலும் இலவசமாக மின் இணைப்புகள் வழங்கப்பட உள்ளன.

* பிற்படுத்தப்பட்டோர் (BC/MBC/DNC) சிறப்பு ஒதுக்கீடு:

இந்த திட்டத்தில் சிறு, குறு விவசாயிகளை ஊக்குவிக்க ஒரு சிறப்பு நடவடிக்கையாக முதல்முறையாக 3,215 புதிய இலவச மின் இணைப்புகள் ஒதுக்கப்பட்டுள்ளன.

* சுயநிதித் திட்டம் (RSFS - கட்டண முறை)

ஏற்கனவே விண்ணப்பித்து காத்திருக்கும் விவசாயிகளுக்காக ரூ. 10,000 கட்டணத்தில் 21 இணைப்புகளும், ரூ. 25,000 கட்டணத்தில் 880 இணைப்புகளும், ரூ.50,000 கட்டணத்தில் 2,471 இணைப்புகளும் என மொத்தம் 3,372 இணைப்புகள் தயார் நிலையில் உள்ளவர்களுக்கு வழங்கப்பட உள்ளன.

இதையும் படிங்க: நீலகிரிக்கு ரெட் அலர்ட்... கோவை உள்ளிட்ட 9 மாவட்டங்களுக்கு கனமழை வார்னிங்!

* அரசு நலத்திட்டங்கள் (கட்டண முறை)

பல்வேறு அரசு துறைகளின் கீழ் 1,346 இணைப்புகள் அளிக்கப்படவுள்ளன. இதில் மாற்றுத்திறனாளிகள் மற்றும் சிறப்பு முன்னுரிமைப் பிரிவுக்கு 350 இணைப்புகளும், தாட்கோ திட்டத்தின் கீழ் 99 இணைப்புகளும், நீர்வள பாதுகாப்பு மற்றும் பாசன மேம்பாட்டுத் திட்டங்களுக்கு 247 இணைப்புகளும், புதிய திட்டங்களுக்கு 300 இணைப்புகளும் மற்றும் அரசு விதை பண்ணைகள் அடங்கும்.

* தட்கல் விரைவு சுயநிதித் திட்டம்

கட்டணம் செலுத்தி மின் இணைப்பு பெறத் தயாராக காத்திருப்போர் பட்டியலில் உள்ள விவசாயிகளுக்கு முன்னுரிமை அடிப்படையில் அதிகபட்சமாக 25,282 இணைப்புகள் விரைவு தட்கல் முறையில் வழங்கப்பட உள்ளன.

மதுரை மாட்டுத்தாவணி காய்கறி விலை: (23.10.2026) இன்று தக்காளி, வெங்காயம் நிலவரம்!

அருண் சின்னதுரை — Fri, 23 Oct 2026 12:10:36 +0530

மதுரை மாட்டுத்தாவணி ஒருங்கிணைந்த காய்கறி மார்கெட்டிற்கு தினமும் ஆயிரக்கணக்கான நபர்கள் வந்து செல்கின்றனர். மதுரையை சுற்றியுள்ள மாவட்ட மக்கள் விற்பனைக்காகவும் மற்றும் விஷேச நாட்களில் அதிகளவு காய்கறிகளை வாங்கிச் செல்கின்றனர். இந்நிலையில் மதுரை மாட்டுத்தாவணி காய்கறி மார்கெட்டில் இன்று (23.10.2026) விலைநிலவரம் குறித்து காணலாம்.

காய்கறி நிலவரம்

1. கத்திரிக்காய் கிலோ ரூபாய் 30 முதல் 40 ரூபாய் வரை,

2. கம்மா கத்திரி கிலோ ரூபாய் 40, முதல் 50 ரூபாய் வரை,

3. வெண்டைக்க, கிலோ ரூபாய் 20, முதல் 30 ரூபாய் வரை,

4. பாவக்கா கிலோ ரூபாய் 50, முதல் 60 ரூபாய் வரை,

5. புடலங்காய் கிலோ ரூபாய் 30, முதல் 40 ரூபாய் வரை,

6. உருட்டு மிளகாய் கிலோ ரூபாய் 20, முதல் 30 ரூபாய் வரை,

7. சம்பா மிளகாய் கிலோ ரூபாய் 20, முதல் 30 ரூபாய் வரை,

8. சீனிவரக்காகிலோ ரூபாய் 20, முதல் 40 ரூபாய் வரை,

9. பீர்க்கங்காய் கிலோ ரூபாய் 40, முதல் 60 ரூபாய் வரை,

10. சுரக்காய் கிலோ ரூபாய் 10, முதல் 20 ரூபாய் வரை,

11. முருங்கை கிலோ ரூபாய் பீன்ஸ் 70, முதல் 100 ரூபாய் வரை,

12. ரிங் பீன்ஸ கிலோ ரூபாய் 90, முதல் 100 ரூபாய் வரை,

13. நைஸ் அவரை கிலோ ரூபாய் 70, முதல் 80 ரூபாய் வரை,

14. பெல்ட் அவரை கிலோ ரூபாய் 100 , முதல் 120 ரூபாய் வரை,

15. பட்டை அவரை கிலோ ரூபாய் 100, முதல் 120 ரூபாய் வரை,

16. நாட்டு வெங்காயம் கிலோ ரூபாய் 90, முதல் 120 ரூபாய் வரை,

17. ஒட்டு வெங்காயம் வரவு இல்லை

18. பல்லாரிகிலோ ரூபாய் 40, முதல் 70 ரூபாய் வரை,

19. மாங்கா கல்லாமை, கிலோ ரூபாய் 100, 120 ரூபாய் வரை,

20. மாங்கா நாடு கிலோ ரூபாய் 60, 70

21. உருளை கிலோ ரூபாய் 20, முதல் 60 ரூபாய் வரை,

22. மு கோஸ் கிலோ ரூபாய் 20, 25 வரை,

23. கேரட், கிலோ ரூபாய் 20, முதல் 40 ரூபாய் வரை,

24. பட்டானி கிலோ ரூபாய் 230, முதல் 250 ரூபாய் வரை,

25. பட்டர் பீன்ஸ் கிலோ ரூபாய் 120, முதல் 180 ரூபாய் வரை,

26. முள்ளங்கி கிலோ ரூபாய் 30, முதல் 40 ரூபாய் வரை,

27. பீட்ருட் கிலோ ரூபாய் 40, முதல் 60 ரூபாய் வரை,

28. சோயா பீன்ஸ் கிலோ ரூபாய் 100, முதல் 130 ரூபாய் வரை,

29. நெல்லிக்காய் கிலோ ரூபாய் 30, முதல் 40 ரூபாய் வரை,

30. கருவேப்பிலை கட்டு 40, முதல் 50 ரூபாய் வரை,

31. மல்லி கிலோ ரூபாய் 70,

32. புதினா கிலோ ரூபாய் 40

33. இஞ்சி கிலோ ரூபாய் 80, முதல் 200 ரூபாய் வரை,

34. தக்காளி பெட்டி 15 கிலோ எடை கொண்ட விலை 300, 500

35. சில்லறை விலையில் ஒரு கிலோ தக்காளி ரூபாய் 30, 40 ரூபாய் வரை.

அரிசி விலை உயர்வு கட்டுக்குள் வரும்; பதுக்கல் மீது கடும் நடவடிக்கை: அமைச்சர் வெங்கட்ராமன் !

அருண் சின்னதுரை — Thu, 22 Oct 2026 18:06:43 +0530

அரிசி பதுக்கலை தடுத்து விரைவில் அரிசி விலை உயர்வை கட்டுக்குள் கொண்டு வருவோம் என மதுரையில் அமைச்சர் வெங்கட்ராமன் பேட்டி.

ஒரு சில இடங்களில் வெள்ளை நிறத்திலான அரிசி வருவதில்லை

மதுரையில் கீழப்பனங்காடியில் உள்ள தனியார் பள்ளி நிகழ்ச்சி ஒன்றில் தமிழக உணவு மற்றும் நுகர்வோர் பாதுகாப்புத் துறை அமைச்சர் வெங்கட்ராமன் சிறப்பு விருந்தினராக பங்கேற்று மாணவர்களுக்கு பரிசுகளை வழங்கினார். பின்னர் செய்தியாளர்களை சந்தித்த அமைச்சர் வெங்கட்ராமன் கூறுகையில் "30 ரூபாய் அரிசி விநியோகம், அரிசி, பருப்பு உற்பத்தி, உணவுப் பொருள் விலைவாசி தொடர்பாக ஆய்வு செய்து வருகிறோம், தமிழ்நாடு முழுதும் அரிசி பதுக்கல் தொடர்பாக அவ்வப்போது ஆய்வு செய்து அறிவுறுத்தல் செய்கிறோம், அரிசி பதுக்கல் தொடர்பாக துரித நடவடிக்கைகள் எடுக்க அதிகாரிகளுக்கு உத்தரவு பிறப்பிக்கப்பட்டுள்ளது. அரிசி பதுக்கலை தடுத்து விரைவில் அரிசி விலை உயர்வை கட்டுக்குள் கொண்டு வருவோம், 30 ரூபாய் அரிசி மக்களிடம் நல்ல வரவேற்பு உள்ளது, ஒரு சில இடங்களில் வெள்ளை நிறத்திலான அரிசி வருவதில்லை என கூறினார்கள்.

எங்கெல்லாம் தரமான அரிசிகள் உள்ளது

எங்கெல்லாம் தரமான அரிசிகள் உள்ளது என கண்டறிந்து அவற்றை மக்களுக்கு விநியோகம் செய்து வருகிறோம். கொள்முதல் செய்யப்பட்ட நெல்லை உடனடியாக அரிசியாக மாற்றி மக்களுக்கு வழங்க உத்தரவிடப்பட்டு உள்ளது. தமிழகத்தில் திறந்தவெளியில் செயல்படும் நெல் கொள்முதல் குடோன்கள் மூடிய பாதுகாப்பான குடோன்களாக மாற்றப்பட்டு வருகிறது. வரும் காலங்களில் நெல்லை பாதுகாப்பாக வைத்து மக்களுக்கு தரமான அரிசி வழங்கப்படும். இதுவரை 50, 100 ரூபாய் மட்டுமே நெல் கொல்முதல் விலை உயர்வை முதல்வர் விஜய் உயர்த்தி வழங்கியுள்ளார். தமிழகத்தில் சன்னரக நெல் உற்பத்தி செய்ய நடவடிக்கைகள் எடுக்கப்பட்டு வருகிறது. நான் அமைச்சர் ஆவதற்கு முன் என்னிடம் ரேஷன் அரிசி கார்டு இருந்தது. அமைச்சர் ஆன பின்னர் அந்த கார்டு உணவு பொருள் அல்லாத அட்டையை மாற்றப்பட்டது. அரிசி அட்டை மாற்றத்தால் மக்களுக்கு கூடுதலாக அரிசி கிடைக்கும். நான் மட்டுமல்லாமல் அமைச்சர், எம்.எல்.ஏ-க்கள் உணவு பொருள் அல்லாத அட்டையாக மாற்றி உள்ளோம்" என கூறினார்.